សុន្ទរកថា និងសង្កថា ក្នុងពិធីទទួល-ប្រគល់វ៉ាក់សាំង Sinovac ២ លានដូស បន្ថែមទៀត ពីសាធារណរដ្ឋប្រជាមានិតចិន និងពិធីអបអរសាទរការផ្ដល់វ៉ាក់សាំង ដោយជោគជ័យរបស់ប្រទេសចិន ចំពោះយុទ្ធនាការចាក់វ៉ាក់សាំងជុំទីមួយរបស់កម្ពុជា

ឯកឧត្ដម​ វ៉ាង​ វិនធាន ឯកអគ្គរដ្ឋទូតវិសាមញ្ញ​ និងពេញសមត្ថភាពនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា សម្ដេច ឯកឧត្ដម លោកជំទាវ លោក លោកស្រី! ថ្ងៃនេះ ខ្ញុំពិតជាមានសេចក្ដីរីករាយឥតឧបមាដោយបានមកចូលរួមដោយផ្ទាល់ក្នុង ពិធីអបអរសាទរការផ្ដល់វ៉ាក់សាំង ដោយជោគជ័យរបស់ប្រទេសចិន ចំពោះយុទ្ធនាការចាក់វ៉ាក់សាំង ជុំទីមួយរបស់កម្ពុជា។ ខ្ញុំក៏សូមសម្ដែងនូវអំណរអរគុណយ៉ាងជ្រាលជ្រៅចំពោះប្រជាជន និងរដ្ឋាភិបាលនៃសាធារណរដ្ឋប្រជាមានិតចិន ដែលបានផ្ដល់ជូនប្រជាជន និងរាជរដ្ឋាភិបាលកម្ពុជា នូវវ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ (Sinovac) បន្ថែមចំនួន ២ លានដូស នាថ្ងៃនេះ។ នៅក្នុងសមរភូមិប្រយុទ្ធនឹងជំងឺកូវីដ-១៩ ក្នុងរយៈពេលជិតពីរឆ្នាំមកនេះ រាជរដ្ឋាភិបាលកម្ពុជាបានកំណត់យក​ ការចាក់វ៉ាក់សាំងជាវិធានការគន្លឹះ បន្ថែមលើវិធានការសំខាន់ៗដទៃទៀត ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ ការពារសុខភាពសាធារណៈ និងជួយសង្រ្គោះអាយុជីវិតប្រជាជន។ ក្នុងស្មារតីនេះ កម្ពុជាបានចាត់ទុក វ៉ាក់សាំងជាទំនិញយុទ្ធសាស្រ្ត និងបានរៀបចំយុទ្ធសាស្រ្តទិញឲ្យបានគ្រប់គ្រាន់ និងឆាប់បំផុត ដើម្បីចាប់ផ្ដើមចាក់វ៉ាក់សាំងជូនដល់ប្រជាជន ដោយមិនរង់ចាំរហូតដល់ពេលមានការបែងចែកទូលំទូលាយជាសកលនោះទេ។ ដើម្បីសម្រេចបាននូវយុទ្ធសាស្រ្តនេះ កម្ពុជាបានជ្រើសយកចិនជាបង្អែកយុទ្ធសាស្រ្តសម្រាប់ការផ្គត់ផ្គង់វ៉ាក់សាំង។ ការសម្រេចចិត្តដ៏ត្រឹមត្រូវ ច្បាស់លាស់ និងទាន់ពេលវេលានេះ ធ្វើឲ្យកម្ពុជាទទួលបាននូវបរិមាណវ៉ាក់សាំងគ្រប់គ្រាន់ សម្រាប់យុទ្ធនាការជាតិចាក់វ៉ាក់សាំងបង្ការជំងឺកូវីដ-១៩ ដោយចាប់ផ្ដើមពីមន្រ្តី និងកងកម្លាំងបម្រើសេវាជួរមុខ បន្ទាប់មកប្រជាជនដែលមានអាយុចាប់ពី ១៨ ឆ្នាំឡើង…

Details

ដកស្រង់ប្រសាសន៍ជាសារសំឡេង ស្ដីពីសម្រេចលើកលែងការធ្វើចត្តាឡីស័កទាំងស្រុងពេលចូលមកកម្ពុជាចំពោះអ្នកចាក់វ៉ាក់សាំងរួចរាល់ (២ ឃ្លីប)

(ឃ្លីបទី១) បងប្អូនជនរួមជាតិជាទីគោរពស្រលាញ់! ដើម្បីសម្រួលទៅដល់ការបើកប្រទេសឡើងវិញសម្រាប់ការទទួលភ្ញៀវទេសចរ ការធ្វើដំណើររបស់បងប្អូនប្រជាពលរដ្ឋរបស់យើងដែលចេញទៅក្រៅប្រទេស និងត្រឡប់មកវិញ សម្រួលទៅដល់បងប្អូនយើងដែលកំពុងរស់នៅក្រៅប្រទេស ហើយចង់មកលេងស្រុកទេសដើម្បីជុំគ្រួសារ ហើយក៏សម្រួលទៅដល់ខាងផ្នែកវិនិយោគិនដែលមកដល់ក្នុងព្រះរាជាណាចក្រកម្ពុជា ថ្ងៃនេះ ខ្ញុំបានពិភាក្សាជាមួយឯកឧត្តម អូន​​ ព័ន្ធមុនីរ័ត្ន ពិនិត្យ និងស្រាវជ្រាវឃើញថា យើងចាំបាច់ត្រូវតែកែប្រែជាមួយនឹងអ្វីដែលយើងបានត្រៀមធ្វើរយៈពេលកន្លងទៅ និងបាននិងកំពុងអនុវត្ត។ មុននេះយើងបានអនុវត្តដោយរក្សាទុកធ្វើចត្តាឡីស័ករយៈពេល ៧ ថ្ងៃ សម្រាប់អ្នកដែលបានចាក់វ៉ាក់សាំង ២ ដូស ហើយចំពោះ(អ្នក)ធុរកិច្ច និងគណៈប្រតិភូខ្មែរយើងនៅបរទេសត្រូវធ្វើចត្តាឡីស័ករយៈពេល ៣ ថ្ងៃ ឯការគ្រោងគិតអំពីទេសចរវ៉ាក់សាំងវិញគឺឲ្យធ្វើចត្តាឡីស័កនៅក្នុងតំបន់រយៈពេល ៥ ថ្ងៃ។ ឥឡូវនេះសភាពការណ៍លែងត្រូវហើយ ដោយសារកម្ពុជារបស់យើងគឺបានចាក់វ៉ាក់សាំងពេញលេញ អត្រាគ្របដណ្តប់រហូតទៅដល់ជិត ៨៨ ភាគរយ​​នៃចំនួនប្រជាជន ១៦ លាននាក់។ ដូច្នេះ មិនមានតម្រូវការឲ្យធ្វើចត្តាឡីស័កទៀតទេ លើកលែងតែអ្នកមិនទាន់បានចាក់វ៉ាក់សាំង។ អ្នកដែលមិនទាន់បានចាក់វ៉ាក់សាំងត្រូវធ្វើចត្តាឡីស័ករយៈពេល ១៤ ថ្ងៃដដែល។ ប៉ុន្តែសម្រាប់អ្នកទាំងជនជាតិខ្មែរ ទាំងជនជាតិបរទេសដែលចូលមកព្រះរាជាណាចក្រកម្ពុជា គឺមិនតម្រូវឲ្យធ្វើចត្តាឡីស័កទៀតទេ។ ប៉ុន្តែអ្នកទាំងអស់ដែលធ្វើដំណើរតាមផ្លូវអាកាសចុះទាំងនៅរាជធានីភ្នំពេញ ទាំងនៅខេត្តព្រះសីហនុ ទាំងនៅខេត្តសៀមរាប ត្រូវយកតេស្តធ្វើសំណាកដោយម៉ាស៊ីន PCR។ ក្នុងរយៈពេលនៃការរង់ចាំនៃការធ្វើតេស្តដើម្បីរកនូវអ្នកឆ្លងកូវីដ–១៩ អ្នកទាំងនោះត្រូវរង់ចាំតាមបែប ប្រសិនបើប្រជាជនកម្ពុជា គឺត្រូវទៅរង់ចាំលទ្ធផលនៅឯផ្ទះរបស់ខ្លួន។ សម្រាប់អ្នកវិនិយោគិនដែលមានគេហដ្ឋាននៅក្នុងព្រះរាជាណាចក្រកម្ពុជា…

Details

ដកស្រង់ប្រសាសន៍ថ្លែងសារពិសេសប្រកាសអនុញ្ញាតឲ្យរៀបចំអាពាហ៍ពិពាហ៍ ឬកម្មវិធីសាសនា ដោយមិនកំណត់ចំនួនមនុស្ស

ក្រាបថ្វាយបង្គំព្រះសង្ឃគ្រប់ព្រះអង្គជាទីគោរពសក្ការៈ, គណៈចាងហ្វាងនៃសាសនាឥស្លាម ថ្នាក់ដឹកនាំនៃសាសនាគ្រឹស្ត និងសាសនាដទៃទៀតដែលមាននៅក្នុងព្រះរាជាណាចក្រកម្ពុជា និងសុំជម្រាបជូនបងប្អូនជនរួមជាតិជាទីគោរពឲ្យបានជ្រាប! (១)យកទំហំទីតាំងធំ ឬតូច ដើម្បីកំណត់ចំនួនមនុស្សចូលរួមពិធីអាពាហ៍ពិពាហ៍ បូកវិធានការសុខាភិបាល បន្ទាប់ពីការពិនិត្យឡើងវិញ ហើយដែលបានពិភាក្សាជាមួយឯកឧត្តមឧបនាយករដ្ឋមន្ត្រីបណ្ឌិត អូន ព័ន្ធមុនីរ័ត្ន ខ្ញុំព្រះករុណាខ្ញុំ សុំធ្វើការណែនាំទៅដល់គ្រប់ស្ថាប័ន គ្រប់អាជ្ញាធរដែនដី ក៏ដូចជាចំពោះប្រជាពលរដ្ឋកម្ពុជាយើង មានចំណុច ២ សំខាន់។ ទី ១ កាលពីប៉ុន្មានថ្ងៃមុននោះ ខ្ញុំព្រះករុណាខ្ញុំបានប្រកាសថា ឲ្យរៀបចំអាពាហ៍ពិពាហ៍ដោយកំណត់មនុស្សយ៉ាងច្រើន ២០០ នាក់ ដោយមិនគិតអ្នកផ្តល់សេវា។ ប៉ុន្តែក្រោយពីការពិនិត្យ បើការកំណត់បែបនេះគឺមិនសមស្របនោះទេ គឺយើងយកស្តង់ដានៃការអនុវត្តតាមវិធានសុខាភិបាល។ ឧទាហរណ៍ គម្លាតដែលត្រូវដាក់មួយតុចំនួន ៧ នាក់ ប្រសិនបើមានទីតាំងធំ អ្នកម្ចាស់ដើមការអាចអញ្ជើញភ្ញៀវទៅតាមចំនួនដែលអាចធ្វើធំបាន។ គេអាចអញ្ជើញ ៥០០ នាក់ ៧០០ នាក់ ឬដូច ១.០០០ នាក់។ ប៉ុន្តែត្រូវតែធានាចាំបាច់នូវការរក្សានូវគម្លាតទៅតាមតុដែលត្រូវបានរៀបចំ។ ទីកន្លែងធ្វើពិធីទៀតសោត គ្នាតិច ឬគ្នាច្រើន ក៏អាស្រ័យទៅលើការរក្សាគម្លាត ដែលអាចធ្វើទៅបាន តាមវិធានការសុខាភិបាល ព្រោះបើសិនយើងកំណត់ ២០០ នាក់ស្មើៗគ្នា…

Details