សុន្ទរកថា និងសេចក្តីអធិប្បាយ បិទសន្និបាតត្រួតពិនិត្យលទ្ធផលការងារឆ្នាំ ២០១៩ និងលើកទិសដៅការងារឆ្នាំ ២០២០ ក្រសួងមហាផ្ទៃ

• […] សម្ដេចក្រឡាហោម ស ខេង បានសង្កត់ធ្ងន់ទៅលើបញ្ហាការអនុវត្ដនូវគោលនយោបាយ «ភូមិឃុំមានសុវត្ថិភាព»។ ខ្ញុំចង់ឲ្យចលនានេះក្លាយជាចលនារួមរបស់យើងទាំងអស់គ្នា […] ត្រូវប្រមូលផ្ដុំអនុវត្ដឲ្យបានល្អបំផុតនូវគោលនយោបាយភូមិឃុំមានសុវត្ថិភាព […] គ្មានឧក្រិដ្ឋកម្មណាមួយដែលវាមិនបានកើតឡើងនៅទឹកដីភូមិនោះទេ ទីតាំងមជ្ឈិមក៏ដោយ ទីតាំងខេត្ដក៏ដោយ ទីតាំងស្រុកក៏ដោយ ទីតាំងឃុំក៏ដោយ វានៅនឹងភូមិនោះឯង […]

• […] ៨៦% នៃការជឿទុកចិត្តលើសមត្ថភាពគ្រប់គ្រងរដ្ឋ និយាយមួយបែបជំនឿទុកចិត្តលើគណបក្សប្រជាជនក្នុងការរក្សាសន្ដិភាព និងសុវត្ថិភាពឲ្យពួកគេ […] ត្រង់ហ្នឹងហើយដែលយើងត្រូវប្រឹងបន្ដ […] បោសសម្អាតឧក្រិដ្ឋកម្ម […] កាត់បន្ថយការភ័យខ្លាចរបស់ពួកគាត់ទៅលើចោរលួចប្លន់ ទៅលើពួកគ្រឿងញៀន ហិង្សានានា […]

• […] (ស្តាប់)ដំបូង(ពីការស្នើឲ្យតម្លើងការផាកពិន័យ និងដកសិទ្ធិបើកបរ ក៏អាចមានការ)គិតថា នាយករដ្ឋមន្រ្តីដាក់ទណ្ឌកម្មចំពោះប្រជាពលរដ្ឋ […] (តាមពិត ធ្វើដូចនេះ គឺដើម្បី)ការពារជីវិតគាត់ផង ការពារចំពោះអ្នកធ្វើដំណើរដទៃទៀត […] ទីចុងបំផុត វាសុវត្ថិភាពទាំងអស់គ្នា […]

• […] មានការធ្វើអត្ថាធិប្បាយមួយចំនួន […] ថា (ជា)ជម្លោះការទូតតូចមួយរវាងកម្ពុជា និងម៉ាឡេស៊ី លើបញ្ហាទាក់ទងជាមួយស្ត្រីជនជាតិអាមេរិកាំងម្នាក់អាយុ ៨៣ ឆ្នាំ […] មិនមែនជាជម្លោះទេ។ សុំបញ្ជាក់។ គ្រាន់តែកម្ពុជាសុំការពន្យល់តែប៉ុណ្ណោះ […] បន្ទាប់ពីនាវា Westerdam មិនត្រូវឲ្យទទួលការចូលចតនៅកន្លែងណាទាំងអស់ (ការអនុញ្ញាតឲ្យចូលចត មានន័យថា)កម្ពុជាបានធ្វើកិច្ចការមួយនេះដោយមនុស្សធម៌សុទ្ធសាធ [… ]

សម្ដេចតេជោ ហ៊ុន សែន, បិទសន្និបាតក្រសួងមហាផ្ទៃ, ២០ កុម្ភៈ ២០២០

Details

សុន្ទរកថា និងសេចក្តីអធិប្បាយ ផ្សព្វផ្សាយ និងដាក់ឱ្យប្រើប្រាស់ជាផ្លូវការផែនការយុទ្ធសាស្ត្រអភិវឌ្ឍជាតិ (ផយអជ) ២០១៩-២០២៣

[ចាប់ផ្ដើមសេចក្ដីអធិប្បាយ ១] ជិតខ្លាយទៅជាឆ្អឹងដែកស្បែកស្ពាន់ហើយ។ ខែតុលានិងវិច្ចកានេះ គឺជាខែដែលប្រមូលផ្ដុំការងារ។ ឆ្នាំនេះខែតុលា គឺទៅក្រៅប្រទេសច្រើន អឺរ៉ុបនិងអាស៊ី ហើយប៉ុន្មានថ្ងៃនេះ ៣ ថ្ងៃនៅបាងកក។ មានមួយថ្ងៃនោះពាក់ស្បែកជើងតាំងពីម៉ោង ៦ ព្រឹក ដោះស្បែកជើងវិញម៉ោង ១១ យប់។ ម្សិលមិញសៀមរាប។ ថ្ងៃនេះភ្នំពេញ។ ប៉ុន្តែ ចាប់ពីថ្ងៃស្អែកទៅ សុំទោសមិនបានទទួលទេ។ ឯកសារធ្វើធម្មតា ប៉ុន្តែយើងអស់ពេលហើយ។ ថ្ងៃខាន​ស្អែកចាប់ផ្ដើមចូលដល់បុណ្យជាតិ ហើយចូលបុណ្យអុំទូក បន្ទាប់ទៅត្រូវផែនការទៅបើកការដ្ឋានផ្លូវនៅកំពង់សោម បន្ទាប់ទៅត្រូវហោះទៅកូរ៉េខាងត្បូងទៀត មានជំនួបអាស៊ាននិងកូរ៉េ។ បើសិនជាមិនមានការហ្វឹកហាត់តាំងពីក្មេង ប្រហែលជារត់មិនរួចទេ។ ប៉ុន្តែមិនអីទេ។ [ចប់សេចក្ដីអធិប្បាយ ១] ថ្ងៃនេះ ខ្ញុំមានសេចក្តីរីករាយដោយបានមកចូលរួមក្នុងពិធី ផ្សព្វផ្សាយ និងដាក់ឱ្យប្រើប្រាស់ជាផ្លូវការនូវផែនការយុទ្ធសាស្ត្រ អភិវឌ្ឍជាតិ ២០១៩-២០២៣ ដែលបានប្រារព្វឡើងយ៉ាងឱឡារិក នាពេលនេះ ។ ក្នុងនាមរាជរដ្ឋាភិបាល ខ្ញុំសូមវាយតម្លៃខ្ពស់និងសូមកោត- សរសើរ ជាពិសេសកិច្ចខិតខំប្រឹងប្រែងរបស់ឯកឧត្តមកិត្តិសេដ្ឋា- បណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ ព្រមទាំង ថ្នាក់ដឹកនាំ និងមន្ត្រីរាជការនៃក្រសួងផែនការ ដែលបានរួមគ្នាយ៉ាង សកម្មក្នុងការរៀបចំឯកសារផែនការយុទ្ធសាស្ត្រអភិវឌ្ឍជាតិ ២០១៩- ២០២៣ ដ៏មានសារៈសំខាន់នេះ ។ ឆ្លៀតក្នុងឱកាសនេះ ខ្ញុំក៏សូមថ្លែងអំណរគុណចំពោះ ក្រសួង-ស្ថាប័នញក់ព័ន្ធ គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ ដៃគូអភិវឌ្ឍ អង្គការជាតិ-អន្តរជាតិ សង្គមស៊ីវិល…

Details

សន្និសីទសារព័ត៌មានរួមគ្នា រវាងសម្តេចតេជោ និងឯកឧត្តមនាយករដ្ឋមន្រ្តីម៉ាឡេស៊ី មហាធៀរ មហាម៉ាត់

ឯកឧត្ដម លោកជំទាវ លោក លោកស្រី ​អ្នកសារព័ត៌មានជាទីមេត្រី! ខ្ញុំ និងឯកឧត្តមបណ្ឌិត មហាធៀរ មហាម៉ាត់ (Mahathir Mohamad) នាយករដ្ឋមន្រ្តីម៉ាឡេស៊ី ទើបនឹងបានបញ្ចប់កិច្ចពិភាក្សាទ្វេភាគី ក្រោមបរិយាកាសរីករាយ ស្និទ្ធស្នាល និងភាតរភាព។ ជាបឋម ខ្ញុំសូមថ្លែងអំណរគុណយ៉ាងជ្រាលជ្រៅចំពោះ ឯកឧត្តមនាយករដ្ឋមន្រ្តី មហាធៀរ មហាម៉ាត់ ដែលបានផ្ដល់កិត្តិយសអញ្ជើញមកបំពេញទស្សនកិច្ចផ្លូវការក្នុងថ្ងៃនេះ ដែលជាទស្សនកិច្ចផ្លូវការលើកទីមួយរបស់ឯកឧត្ដមនៅព្រះរាជាណាចក្រកម្ពុជា ក្នុងអាណត្តិបច្ចុប្បន្ន។ ខ្ញុំមានសេចក្ដីរីករាយ និងសូមវាយតម្លៃខ្ពស់ចំពោះទស្សនកិច្ចផ្លូវការជាប្រវត្តិសាស្រ្តនាពេលនេះ។ ទស្សនកិច្ចនេះ គឺជាតឹកតាង​បង្ហាញពីមិត្តភាព សាមគ្គីភាព និងភាពរឹងមាំ នៃទំនាក់ទំនងទ្វេភាគីកម្ពុជា-​ម៉ាឡេស៊ី។ ខ្ញុំសូមអបអរសាទរយ៉ាងកក់ក្តៅចំពោះសមិទ្ធផលដ៏ធំធេង ដែលប្រទេសម៉ាឡេស៊ីសម្រេចបានក្រោមមាគ៌ាដឹកនាំដ៏ក្លៀវក្លារបស់ឯកឧត្ដមនាយករដ្ឋមន្រ្តី។ ខ្ញុំជឿជាក់ថា ជាមួយនឹងសន្ទុះនៃការអភិវឌ្ឍ និងគោលដៅទំនើបកម្ម ព្រមទាំងគោលនយោបាយអភិវឌ្ឍន៍លើគ្រប់វិស័យ ប្រទេសម៉ាឡេស៊ីនឹងសម្រេចបានគោលដៅឈានទៅរកឋានៈជាប្រទេសអភិវឌ្ឍន៍ ជាខ្លាសេដ្ឋកិច្ចក្នុងតំបន់អាស៊ី ហើយនិងចូលរួមដើរតួនាទីកាន់តែសកម្ម និងសំខាន់ថែមទៀតនៅក្នុងតំបន់ និងនៅលើឆាកអន្តរជាតិ។ ឆ្លៀតក្នុងឱកាសនេះផងដែរ ខ្ញុំសូមអបអរសាទរផងដែរ ទិវាបុណ្យជាតិ​​ឯករាជ្យលើកទី ៦២ របស់ម៉ាឡេស៊ី ក៏ដូចជាទិវាផ្សារភ្ជាប់ទំនាក់ទំនងការទូតរវាងកម្ពុជា និងម៉ាឡេស៊ី ដែលជាព្រឹត្តិការណ៍កើតឡើងនៅថ្ងៃតែមួយ គឺ ៣១ ខែ សីហា ឆ្នាំ…

Details