សារ និងសេចក្ដីអធិប្បាយ ជូនជនរួមជាតិ ស្ដីពីវិធានការរបស់រាជរដ្ឋាភិបាល ដើម្បីគ្រប់គ្រងផលប៉ះពាល់ ពីជំងឺរលាកផ្លូវដង្ហើមធ្ងន់ធ្ងរ (ខូវីដ-១៩) និងការព្យួរភាពអនុគ្រោះពន្ធលើទំនិញមួយចំនួន ក្រោមកម្មវិធី «ទំនិញគ្រប់មុខ លើកលែងអាវុធ» (EBA)

គាំពារវិស័យទេសចរណ៍

… មន្រ្តីកម្ពុជាតាមក្រសួង-ស្ថាប័ននានា កាត់បន្ថយការចូលរួមការប្រជុំនៅក្រៅប្រទេស … ចាត់តាំងអគ្គរដ្ឋទូត … ចូលរួម … ត្រូវទៅ ១០ នាក់ កាត់បន្ថយនៅត្រឹម ៣ ទៅ ៤ នាក់ … ខ្ញុំគិតថា នឹងមានការបើកប្រជុំគណៈរដ្ឋមន្រ្តីនៅខេត្តសៀមរាប ដើម្បីឲ្យខេត្តអាចទទួលបានភ្ញៀវទេសចរក្នុងស្រុក … ថ្ងៃក្រោយ ឧត្តមក្រុមប្រឹក្សា ពិគ្រោះ និងផ្តល់យោបល់របស់យើង (អាច)ទៅបើកប្រជុំនៅខេត្តសៀមរាបតែម្តង ដើម្បីឲ្យសណ្ឋាគារខេត្តសៀមរាប និងភោជនីយដ្ឋាននៅខេត្តសៀមរាបអាចទទួលបាននូវភ្ញៀវទេសចរ។

… ឥឡូវនេះ ជើងហោះហើរមួយចំនួនត្រូវបានផ្អាក … ហើយភាពមិនច្បាស់លាស់នៃជំងឺទៅតាមប្រទេសក៏ស្ថិតក្នុងស្ថានភាពត្រូវប្រុងប្រយ័ត្ន។ ដូច្នេះ សុំបងប្អូនប្រជាពលរដ្ឋដែលធ្លាប់ធ្វើដំណើរទៅក្រៅប្រទេសក្នុងមួយឆ្នាំជាងមួយលាននាក់ ងាកមករិះរកការធ្វើដំណើរក្នុងស្រុករបស់យើង ទៅកាន់តំបន់ទេសចរណ៍នានា ក្នុងនោះឲ្យអាទិភាពខ្ពស់ទៅលើខេត្តសៀមរាប … ដើម្បីជួយស្រោចស្រង់នូវវិស័យទេសចរណ៍របស់យើង ចំពោះមុខការធ្លាក់ចុះនៃទេសចរបរទេស … … (ខ្ញុំ)សុំអំពាវនាវឲ្យម្ចាស់សណ្ឋាគារបន្ធូរបន្ថយថ្លៃតាមលទ្ធភាពដែលអាចធ្វើទៅបាន ជាជាងទុកបន្ទប់ចោល … ជាការបំពេញឲ្យគ្នា …។

… យើងធ្លាប់ធ្វើសង្រ្កាន្តថ្នាក់ជាតិ ប៉ុន្តែចាប់ពីឆ្នាំទៅមកដល់ឆ្នាំនេះ យើងមិនបានត្រៀមរៀបចំដើម្បីធ្វើអង្គរសង្រ្កាន្តទេ។ សង្រ្កាន្តអាចធ្វើបានគ្រប់ខេត្ត … សៀមរាបអាចធ្វើសង្រ្កាន្តនៅសៀមរាប ហើយក៏សុំឲ្យក្រុមហ៊ុនប្រគុំតន្រ្តីឧស្សាហ៍ទៅប្រគុំ តន្ត្រីនៅខេត្តសៀមរាប ដែលជាការទាក់ទាញសម្រាប់ការទទួលបានភ្ញៀវទេសចរ (រួមដោយ)កម្មវិធីមួយចំនួន ដែលអាចធ្វើទៅបាន ដូចជាកម្មវិធីសាសនា ការប្រកួតកីឡា … ហេតុអ្វីមិនលុបតម្លៃការលក់(សំបុត្រចូលទស្សនាប្រាសាទ)តែម្តងទៅ ដើម្បីទាក់ទាញភ្ញៀវទេសចរ? បើយើងមើលទៅក្នុងចំណុចនេះ វាហាក់ដូចជាការលុបពាក់កណ្តាលទៅហើយ ព្រោះសំបុត្រមួយថ្ងៃអាចចូលមើលបាន ២ ថ្ងៃ … លុបបាត់ពាក់កណ្តាលហើយ …។

សម្ដេច តេជោ ហ៊ុន សែន , សារជូនជនរួមជាតិ ស្ដីពីវិធានការរបស់រាជរដ្ឋាភិបាល ដើម្បីគ្រប់គ្រងផលប៉ះពាល់ ពីជំងឺរលាកផ្លូវដង្ហើមធ្ងន់ធ្ងរ (ខូវីដ-១៩) និងការព្យួរEBA, ២៤ កុម្ភៈ ២០២០

Details

សេចក្ដីដកស្រង់ប្រសាសន៍ ចែកសញ្ញាបត្រដល់និស្សិតនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

• “… និស្សិតមកពីបរទេសរៀននៅសាលានេះច្រើន […] ១៥៨ នាក់ ដោយក្នុងនោះមកពីឡាវ កូរ៉េ វៀតណាម ជប៉ុន ចិន បារាំង បង់ក្លាដេស ម៉ារ៉ុក អង់គ្លេស ម៉ាលី ហ្គាបុង និងទុយនេស៊ី … និស្សិតបរទេសមួយចំនួនរៀននៅសាលាដទៃៗ ប៉ុន្តែសាលានេះអាចចាត់ទុកថា ជាសាលាដែលទាក់ទាញបាននូវការយកចិត្តទុកដាក់មករៀនពីសំណាក់និស្សិតបរទេស …”
• “… ឆ្នាំនេះទឹកធ្លាក់លឿនជ្រុលហួស។ បើតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ ការប្រមូលផលរដូវវស្សាបានជាង ២ លានហិកតាហើយ លើផ្ទៃដីដែលធ្វើបានចំនួន ២ លាន ៧ សែនហិកតា […] ស្រូវវស្សានឹងមិនមានផលប៉ះពាល់ដោយសារការខ្វះទឹកទេ ប៉ុន្តែស្រូវប្រាំងនៅកន្លែងមួយ ចំនួនខ្វះខាតទឹក … ខ្ញុំព្រះករុណាខ្ញុំចេញសារាចរអំពាវនាវឱ្យកសិកររបស់យើងធ្វើស្រូវប្រាំងតែមួយដងបានហើយ …”
• ” … ខ្ញុំតែងតែផ្តល់អនុសាសន៍ឱ្យក្រសួងកសិកម្ម រុក្ខាប្រមាញ់ និងនេសាទ សិក្សាបែងចែកតំបន់ដាំដុះ។ តំបន់ខ្លះអាចធ្វើដំណាំផ្សេង(ពីស្រូវ)បាន […] ពិសេស តំបន់ដែលខ្វះខាតទឹក គប្បីប្រែវាទៅជាតំបន់ដែលដាំនូវអ្វីដែលអាចទទួលផលបានខ្ពស់ជាង ហើយប្រើទឹកតិចជាង …”
• “… គោលនយោបាយឧស្សាហកម្ម ទី ១ គឺកែច្នៃផលិតផលកសិកម្មរបស់កម្ពុជា ដែលមានស្រាប់ មិនទាមទារទុនធំពេកហើយសហគ្រាសធុនតូច និងមធ្យមត្រូវដំណើរការទាំងអ្នកក្នុងស្រុក និងក្រៅស្រុក។ ជិតចូលឆ្នាំខ្មែរ ខ្ញុំត្រូវជួបសហគ្រាសធុនតូច និងមធ្យម […] យើងចង់បានអ្នកវិនិយោគលើជ័រកៅស៊ូ កាហ្វេ ។ល។ និង ទី២ គឺការវិនិយោគផ្នែកឧស្សាហកម្មបច្ចេកវិទ្យា។ ទោះបីយើងនៅរក្សាឧស្សាហកម្មអតិពលកម្មប្រើកម្លាំងពលកម្មច្រើន ដូចជាវិស័យកាត់ដេរ ប៉ុន្តែយើងក៏ត្រូវទាញយកឧស្សាហកម្មជំនាញខ្ពស់ …”

សម្ដេចតេជោ ហ៊ុន សែន, ចែកសញ្ញាបត្រជូននិស្សិត នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច, ២៦ ធ្នូ ២០១៩

Details

សេចក្ដីដកស្រង់ប្រសាសន៍ ពិធីពិសាអាហារ អបអរខួបទី ១៣៣ ទិវាពលកម្មអន្តរជាតិ នៅរោងចក្រ យីដា

សប្បាយទេអ្នកទាំងអស់គ្នា? កែតម្រូវអ្នកអត្ថាធិប្បាយបន្ដិចថា អត់ផ្អាកពិសាសិនទេ។ សូមក្មួយៗទទួល​ទានតាមសម្រួលចុះ។ ទទួលទានផង និងស្ដាប់ផង។ តែពូក៏មិននិយាយច្រើនដែរ ដើម្បីទុកពេលវេលាឲ្យក្មួយៗ ឡើងរាំទៀត។ តែឥឡូវសន្យាជាមួយគ្នាទេ ពូនិយាយចប់ ពូចែកស្រោមសំបុត្រឲ្យស្រ្តីមានផ្ទៃពោះ ប៉ុន្តែ ក្មួយៗទាំងអស់ឡើងរាំទៀត។ សន្យាថា រាំទាំងអស់គ្នាហើយ។ យើងធ្វើបាបអ្នកភ្លេងម្ដង។ ពូសូមអភ័យទោស ការពិតពូមកដល់(បានធ្វើឲ្យ)អាក់ខានសម្រាប់ក្មួយៗរាំ ពូបានមើលតាមទូរទស្សន៍ Fresh News បានផ្សាយបន្តផ្ទាល់តាំងពីម៉ោងជាង ៧​ ឯណោះ។ ក្មួយៗរាំស្អាតណាស់​។ ក៏ប៉ុន្តែ ពូប្រ​ហែលជាមានការ(សុំ)អធ្យាស្រ័យសម្រាប់អ្នកភ្លេង អ្នកចម្រៀងមិនសូវជាអីទេ គេអាចផ្លាស់ប្ដូរគ្នាច្រៀងបាន ក៏ប៉ុន្តែអ្នកភ្លេង គឺជួបការលំបាកបន្ដិច។ យ៉ាងណាក៏ដោយ អ្នកភ្លេង និងអ្នកចម្រៀងថ្ងៃនេះ ត្រូវតែមានការទ្រាំទ្របន្ដិចសម្រាប់ការរាំលេងកម្សាន្តរបស់ក្មួយៗនៅទីនេះ។ ឆ្នាំទី ២ នៃការចុះតាមរោងចក្រថ្ងៃ ១ ឧសភា ថ្ងៃនេះ ពិតជាមានការរីករាយ ហើយសូមអរគុណចំពោះលោកប្រធានក្រុមហ៊ុន យីដា ដែលបានរៀបចំកម្មវិធីសំណេះសំណាល និងការជួបជុំបាយសាមគ្គី ក៏ដូចជារាំកម្សាន្តនៅក្នុងរោងចក្រ យីដា ដែលមានកម្មកររហូតទៅដល់ ៣៧០០ នាក់។ ឆ្នាំនេះ គឺជាឆ្នាំទី ២…

Details