សេចក្តីដកស្រង់ប្រសាសន៍ ពិធីសម្ពោធ និងប្រគល់-ទទួលផ្សារគំរូព្រំដែនកម្ពុជា ផ្សារដារ

“… សូមថ្លែងការអរគុណចំពោះការឧបត្ថម្ភរបស់ប្រិយមិត្ត និង រដ្ឋាភិបាលវៀតណាម ដែលបានផ្តល់ឱ្យកម្ពុជានូវផ្សារព្រំដែននេះ ដែលជាចំណុចដ៏សំខាន់មួយនៅក្នុងទំនាក់ទំនងពាណិជ្ជកម្មរវាងប្រទេសយើងទាំងពីរ … ផ្សារព្រំដែននេះនឹងបង្កលក្ខណៈងាយស្រួលឱ្យប្រជាពលរដ្ឋរបស់យើងរកស៊ីជាមួយគ្នាដោយស្របច្បាប់ និងបង្កើតបាននូវស្ថានភាពឈ្នះឈ្នះនៃទំនាក់ទំនងរវាងពាណិជ្ជកម្មព្រំដែន … រវាងប្រទេសជិតខាង …”

“… សូមឯកឧត្តម ជីញ ឌិញស៊ុង (TRINH DINH DUNG) ឧបនាយករដ្ឋមន្រ្តី និងឯកឧត្តម រដ្ឋមន្ត្រីក្រសួងពាណិជ្ជកម្ម និងឧស្សាហកម្មវៀតណាម ពិនិត្យមើល(ទំហំទំនិញ)ដែលវៀតណាមនាំចូលមកកម្ពុជា និងទំនិញដែលកម្ពុជានាំចូលទៅវៀតណាម … ខ្ញុំស្នើដោយទទូចឱ្យវៀតណាមបង្កើនការទិញពីកម្ពុជា ក្នុងនោះវៀតណាមបាន និងកំពុងទិញអង្ករពីកម្ពុជាចំនួន ៣០ ម៉ឺនតោន និងផលិតផលមួយចំនួនផ្សេងទៀត ដែលកម្ពុជាមាន …”

“… ពីមុននេះ ផ្លោងដាក់គ្នាទៅវិញទៅមកដោយគ្រាប់កាំភ្លើង ហើយទល់ដែនទាំងសងខាងសម្បូរគ្រាប់មីន។ ឥឡូវនេះ ផ្លោងទៅវិញទៅមកដោយទំនិញ ខាងវៀតណាមបញ្ជូនទំនិញមកលក់ឱ្យកម្ពុជា កម្ពុជាបញ្ជូនទំនិញទៅលក់ឱ្យវៀតណាម ហើយយើងខិតខំបំផ្លាញចោលគ្រាប់មីននិងគ្រាប់មិនទាន់ផ្ទុះ … បន្តទៅទៀត ខ្ញុំចង់ចង្អុលបង្ហាញគ្រោងធ្វើ(ផ្សារ)នៅក្នុង ខេត្តកំពត និងស្វាយរៀង ២ ខេត្តនេះ គប្បីប្រើថវិកាជាតិធ្វើតែម្តងទៅ។ កាលពីមុនយើងអត់មាន(លទ្ធភាព) អញ្ចឹងយើងសុំមិត្ត …”

សម្ដេចតេជោ ហ៊ុន សែន, សម្ពោធផ្សារដោះដូរទំនិញកម្ពុជា-វៀតណាម (ផ្សារដារ) នៅខេត្តត្បូងឃ្មុំ, ២៤ ធ្នូ ២០១៩

Details

សេចក្តីថ្លែងសារពិសេស និងការអធិប្បាយ ជូនប្រជាពលរដ្ឋ ក្នុងឱកាសអញ្ជើញដឹកនាំកិច្ចប្រជុំគណៈរដ្ឋមន្ត្រី

សម្ដេច ឯកឧត្តម លោកជំទាវ លោក លោកស្រី! ថ្ងៃនេះគណៈរដ្ឋមន្ត្រីរបស់យើងបើកការប្រជុំពេញអង្គ ដើម្បីពិភាក្សា និងឆ្លងរបៀបវារៈដូចខាងក្រោមនេះ ១. សេចក្ដីព្រៀងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ ២០២០ ២. សេចក្ដីព្រៀងច្បាប់ស្ដីពីការទូទាត់ថវិការទូទៅរបស់រដ្ឋសម្រាប់ការគ្រប់គ្រងឆ្នាំ ២០១៨ ៣. បញ្ហាផ្សេងៗ មាន សេចក្ដីប្រកាសរបស់នាយករដ្ឋមន្ត្រី ស្ដីពីការដាក់ឱ្យអនុវត្តយុទ្ធសាស្ត្រ ស្ដីពីការគ្រប់គ្រងប្រព័ន្ធការវិនិយោគសាធារណៈ ២០១៩-២០២៥ និងយុទ្ធសាស្ត្រស្ដីពីការគ្រប់គ្រងបំណុលសាធារណៈ ២០១៩-២០២៣ យោងទៅលើប្រក្រតិទិនការងារទាក់ទងជាមួយច្បាប់ថវិកា យើងដើរទាន់សភាពការណ៍ ដោយសារតែប្រក្រតិទិននោះតម្រូវឱ្យត្រីមាសទី ១ នៃខែ វិច្ឆិកា ត្រូវទៅដល់រដ្ឋសភា ការពិតទៅគឺច្បាប់ថវិកាជាទូទៅយើងបានធ្វើតាំងពីចូលឆ្នាំក្រោយតែប៉ុន្មានខែតែប៉ុណ្ណោះ (ដោយបាន)ចាប់ផ្ដើមចេញសារាចរណែនាំពាក់ព័ន្ធនឹងបញ្ហាច្បាប់ថវិកានេះរួចទៅហើយ។ ថ្ងៃនេះ (ខ្ញុំ)មានការចាំបាច់ ដើម្បីមានការថ្លែងជូនទៅកាន់គណៈរដ្ឋមន្ត្រី បណ្ដាខេត្ត កងកម្លាំងប្រដាប់អាវុធ ក៏ដូចជាប្រជាពលរដ្ឋទូទាំងប្រទេស ហើយអនុញ្ញាតឱ្យសារព័ត៌មាននៅទីនេះ (ដើម្បី)នឹងធ្វើការផ្សាយបន្តផ្ទាល់ផងដែរ។ មុននឹងគណៈរដ្ឋមន្ត្រីរបស់យើងចាប់ផ្ដើមធ្វើការពិភាក្សារបៀបវារៈ ស្ដីពីសេចក្ដីព្រៀងច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០២០ ខ្ញុំសូមយកឱកាសនេះធ្វើសេចក្ដីប្រកាសជូនអង្គគណៈរដ្ឋមន្ត្រី និងធ្វើសេចក្ដីប្រកាសជូនជនរួមជាតិ ជ្រាបអំពីគោលនយោបាយរបស់រាជរដ្ឋាភិបាល ដឹកនាំដោយគណបក្សប្រជាជន ក្នុងនោះក៏សូមបញ្ជាក់យ៉ាងមុតមាំថា មាន ២ ចំណុច ដែលគណបក្សប្រជាជនមិនធ្វើការកែប្រែ។ ១. ការមិនយកពន្ធលើដីធ្លី។ ដរាបណាគណបក្សប្រជាជននៅតែបន្តគ្រប់គ្រងរដ្ឋាភិបាល គណបក្សនៅតែបន្តមិនយកពន្ធ…

Details

សង្កថា និងសុន្ទរកថា សម្តេចតេជោ ហ៊ុន សែន ក្នុងពិធីប្រកាសដាក់ឲ្យអនុវត្តដំណាក់កាលទី ៣ និង កិច្ចប្រជុំត្រួតពិនិត្យវាយតម្លៃវឌ្ឍនភាពប្រចាំឆ្នាំ ២០១៥ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ

ឯកឧត្តម, លោកជំទាវ, សមាជិក-សមាជិកា នៃរាជរដ្ឋាភិបាល ឯកឧត្តម, លោកជំទាវ, លោក, លោកស្រី, ភ្ញៀវជាតិ និងអន្តរជាតិ ជាទីមេត្រី ! ថ្ងៃនេះ ខ្ញុំពិតជាមានសេចក្តីរីករាយ ដែលបានមកចូលរួមជាមួយឯកឧត្តម, លោកជំទាវ, លោក, លោកស្រី នៅក្នុង ពិធីប្រកាសដាក់ឱ្យអនុវត្តដំណាក់កាលទី ៣ និងកិច្ចប្រជុំត្រួតពិនិត្យវាយតម្លៃវឌ្ឍនភាពប្រចាំឆ្នាំ ២០១៥ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ។ ជាការពិត ក្នុងរយៈពេល ១០ ឆ្នាំ នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ រាជរដ្ឋាភិ បាលបានកសាង និងសម្រេចបានជាសារវន្ត នូវមូលដ្ឋាននៃ «ភាពជឿទុកចិត្តនៃថវិកា» និងបានបង្កើន «គណ នេយ្យភាពហិរញ្ញវត្ថុ» ក្នុងការរៀបចំការអនុវត្ត និងការត្រួតពិនិត្យវាយតម្លៃលើការអនុវត្តថវិកា។ សមិទ្ធិផលទាំង នេះ គឺជាមូលដ្ឋានគ្រឹះដ៏ចាំបាច់ សម្រាប់បោះជំហានឆ្ពោះទៅកាន់ការផ្សារភ្ជាប់ថវិកាទៅនឹងគោលនយោបាយ ដែលរួមមាន គោលបំណងគោលនយោបាយ, កម្មវិធី និងផែនការសកម្មភាពរបស់ក្រសួង-ស្ថាប័ន និង អង្គភាពសាធារណៈនីមួយៗ។ ការផ្សារភ្ជាប់ថវិកាទៅនឹងគោលនយោបាយនេះ គឺជាជំហានកែទម្រង់មួយថ្មី ទៀត ដែលនឹងត្រូវបានដាក់ឱ្យអនុវត្ត និងពង្រឹងបន្ថែម នៅក្នុងដំណាក់កាលទី៣ «ការផ្សារភ្ជាប់ថវិកាទៅនឹង គោលនយោបាយ» ចាប់ពីឆ្នាំ ២០១៦…

Details