សុន្ទរកថា ក្នុងពិធីបើកពិព័រណ៍ផលិតផលនាំចេញ-នាំចូល និង ខេត្ត ១ ផលិតផល ១ កម្ពុជា លើកទី ១២ ឆ្នាំ ២០១៧

ឯកឧត្តម លោកជំទាវ លោក លោកស្រី ភ្ញៀវកិត្តិយសជាតិ និងអន្តរជាតិ ប្រតិភូពាណិជ្ជកម្មបរទេស ពាណិជ្ជករ សហគ្រិន វិនិយោគិន និងអង្គពិធីទាំងមូលជាទីមេត្រី ! ថ្ងៃនេះ ខ្ញុំមានសេចក្តីរីករាយដោយបានចូលរួមក្នុងពិធីសម្ពោធ «ពិព័រណ៍ផលិតផលនាំចេញ-នាំចូល និងខេត្ត ១ ផលិតផល ១ កម្ពុជា លើកទី ១២ ឆ្នាំ ២០១៧» ដែលត្រូវប្រព្រឹត្តទៅចាប់ពីថ្ងៃទី ១៥-១៨ ខែ ធ្នូ ឆ្នាំ ២០១៧ នៅមជ្ឈមណ្ឌល សន្និបាត និងពិព័រណ៍កោះពេជ្រនេះ។ ក្នុងនាមរាជរដ្ឋាភិបាល និងខ្លួនខ្ញុំផ្ទាល់ សូមសំដែងការគាំទ្រ និងអបអរសាទរដល់ខួបលើកទី ១២ នៃការរៀបចំពិព័រណ៍ផលិតផលនាំចេញ-នាំចូល និងខេត្ត ១ ផលិតផល ១ នេះ និងសូមស្វាគមន៍យ៉ាងកក់ក្តៅចំពោះប្រតិភូ ពាណិជ្ជកម្មបរទេស, ពាណិជ្ជករ, សហគ្រិន, វិនិយោគិន ព្រមទាំងអ្នកទស្សនាពិព័រណ៍ទាំងអស់ ដែលបានចូលរួមក្នុងព្រឹត្តិ​ការណ៍ពាណិជ្ជកម្មដ៏មានសារៈសំខាន់នេះ។ ជាការពិត ពិព័រណ៍ផលិតផលនាំចេញ-នាំចូល និង ខេត្ត…

Details

ឧបនាយករដ្ឋមន្ត្រី ម៉ែន សំអន៖ ២៥ឆ្នាំនៃការចុះក្នុងបញ្ជីបេតិកភណ្ឌពិភពលោក អង្គរទទួលបានជំនួយ៥០០លានដុល្លារ

FN ៖ ក្នុងទិវាអបអរសាទរខួប២៥ឆ្នាំ នៃការដាក់បញ្ចូលប្រាសាទអង្គរវត្ត ក្នុងបញ្ចូលបេតិភណ្ឌពិភពលោក ឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច តំណាងសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា រយៈពេល២៥ឆ្នាំ នៃការដាក់បញ្ចូលរមណីយដ្ឋានអង្គរ ក្នុងបញ្ជីបេតិកភណ្ឌពិភពលោក កម្ពុជាទទួលបានអត្ថប្រយោជន៍យ៉ាងច្រើនពីដៃគូអភិវឌ្ឍន៍នានា គិតជាថវិកាមានប្រមាណ ៥០០លានដុល្លារអាមេរិក។ ទិវាអបអរសាទរខួប២៥ឆ្នាំ នៃការដាក់បញ្ចូលប្រាសាទអង្គរវត្តនេះ (១៩៩២-២០១៧) ត្រូវបានធ្វើឡើងនាល្ងាចថ្ងៃព្រហស្បត្តិ៍ ១១រោច ខែមិគសិរ ព.ស២៥៦១ ត្រូវនឹងថ្ងៃទី១៤ ខែធ្នូ គ.ស២០១៧ នៅមុខមហាប្រាសាទអង្គរ ខេត្តសៀមរាប ដែលរៀបចំដោយក្រសួងវប្បធម៌ និងវិចិត្រសិល្បៈ។ ក្នុងឱកាសនោះ ឧបនាយករដ្ឋមន្ត្រី បានលើកឡើងថា រមណីយដ្ឋានអង្គរបានក្លាយជានិម្មិតរូបដ៏សំខាន់មួយ នៃវប្បធម៌ខ្មែរ និងអាស៊ី ជាអច្ឆរិយវត្ថុល្បីល្បាញបំផុត ដែលទាក់ទាញភ្ញៀវទេសចរកាន់តែច្រើនឡើងៗ។ លើសពីនេះ កម្ពុជាបានប្រាសាទព្រះវិហារ និងប្រាសាទសំបូរព្រៃគុក ដែលមានតម្លៃវប្បធម៌ជាសកល និងពុំអាចកាត់ថ្លៃបានរបស់មនុស្សជាតិ ព្រមទាំងប្រាង្គប្រាសាទបុរាណរាប់ពាន់ទូទាំងប្រទេស និងធនធានធម្មជាតិដ៏សម្បូរបែបនៅតាមព្រៃភ្នំ ដងទន្លេ សមុទ្រ សត្វផ្សោតទន្លេមេគង្គ ទំនៀមទម្លាប់ ប្រពៃណី…

Details

តំណាងរដ្ឋមន្រ្តីក្រសួងសង្គមកិច្ច៖ សាធារណរដ្ឋឆែក នឹងបន្តផ្តល់ជំនួយដល់កម្ពុជាពីឆ្នាំ២០១៨-២០២៣ ផ្តោតលើការថែទាំកុមារ-ទារក, ធនធានមនុស្ស និងបរិស្ថាន

FN ៖ លោក នឹម ថូត រដ្ឋលេខាធិការ នៃក្រសួងសង្គមកិច្ច អតីតយុទ្ធជន និងយុវនីតិសម្បទាតំណាងលោក វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងប្រាប់អ្នកសារព័ត៌មានឲ្យដឹងថា សាធារណរដ្ឋឆែកនឹងបន្តផ្តល់ជំនួយបន្តដល់កម្ពុជា ពីឆ្នាំ២០១៨-២០២៣ ផ្តោតលើការថែទាំកុមារ-ទារក (វិស័យសុខាភិបាល) បណ្តុះបណ្តាលវិជ្ជាជីវៈ បង្កើតធនធានមនុស្សឲ្យបានល្អ និងជួយលើការអភិវឌ្ឍបញ្ហាបរិស្ថាន និងអនាម័យ។ លោក នឹម ថូត បន្តថា គោលបំណងនៃជំនួយនេះ ដើម្បីគាំទ្រកម្ពុជា និងជួយកម្ពុជាឲ្យរួចផុតពីប្រទេសដែលទទួលបានចំណូលតិច មកមធ្យម និងឈានរហូតក្លាយជាប្រទេសដែលមានចំណូលច្រើន។ ការថ្លែងរបស់លោក នឹម ថូត តំណាងរដ្ឋមន្រ្តី វង សូត បានធ្វើឡើងខណៈលោកបានជួបសម្តែងការគួរសមជាមួយប្រតិភូ មកពីព្រឹទ្ធសភាសាធារណៈរដ្ឋឆែកដឹកនាំដោយ លោក Ivo Barek ប្រធានប្រតិភូ និងមន្រ្តីពាក់ព័ន្ធជាច្រើនរូបទៀត នៅទីស្តីការក្រសួងនាថ្ងៃទី១៥ ខែធ្នូ ឆ្នាំ២០១៧នេះ។ ជាការឆ្លើយតបលោក Ivo Barek ប្រធានដឹកនាំប្រតិភូព្រឹទ្ធសភាសាធារណៈរដ្ឋឆែក បានសម្តែងការរីករាយ ដែលឃើញពីការខិតខំប្រឹងប្រែងរបស់រាជរដ្ឋាភិបាល និងក្រសួងសង្គមកិច្ច…

Details

ប្រសាសន៍សំខាន់ៗរបស់សម្តេចតេជោ ហ៊ុន សែន ជួបសំណេះសំណាល និងចែកប្រាក់រង្វាន់ដល់អត្តពលិកជយលាភី នៅវិមានសន្តិភាព

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅព្រឹកថ្ងៃសុក្រ ១២រោច ខែមិគសិរ ព.ស២៥៦១ ត្រូវនឹងថ្ងៃទី១៥ ខែធ្នូ ឆ្នាំ២០១៧នេះ បានអញ្ជើញជួប សំណេះសំណាល និងប្រគល់ប្រាក់រង្វាន់ដល់ប្រតិភូដឹកនាំ គ្រូបង្វឹក គ្រូជំនួយ និងកីឡាករ-កីឡាការិនីឈ្នះមេដាយនានាពេលកន្លងមកមានចំនួន២១១នាក់ នៅវិមានសន្តិភាព ដើម្បីតបស្នងនឹងការខិតខំប្រឹងប្រែង និងលើកទឹកចិត្ត ចំពោះអត្តពលិកដណ្ដើមបានមេដាយលើឆាកអន្ដរជាតិ។ ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖ * សម្តេចតេជោ ហ៊ុន សែន បានសម្តែងនូវមោទនភាពចំពោះកីឡាករ កីឡាការិនីទាំងអស់ ដែលបាននាំមកនូវកិត្តិយសសម្រាប់ជាតិមាតុភូមិ ដោយបាននាំយកមក មេដាយយ៉ាងច្រើនពីការប្រកួតនានាលើឆាកអន្តរជាតិ និងក្នុងតំបន់។ * សម្តេចតេជោ ហ៊ុន សែន បានសុំឲ្យមានការយោគយល់ចំពោះភាពយឺតយ៉ាវក្នុងការប្រគល់ប្រាក់រង្វាន់នាពេលកន្លងមក។ សម្តេចតេជោ ស្នើឲ្យកីឡាករ កីឡាការិនីទាំងអស់ត្រូវផ្តល់តម្លៃឲ្យខ្លួនឯង ហើយមិនត្រូវយកកីឡា ត្រឹមតែជាការប្តូរប្រាក់នោះទេ។ * ការលើកឡើងរបស់សម្តេចតេជោ ហ៊ុន សែន បន្ទាប់ពីសម្តេចបានឃើញកីឡាករ កីឡាការិនីមួយចំនួនរអ៊ូរទាំពីភាពយឺតយ៉ាវក្នុងការទទួលប្រាក់រង្វាន់របស់ពួកគេ។ * បើតាមសម្តេចតេជោ ភាពយឺតយ៉ាវក្នុងការផ្តល់ប្រាក់រង្វាន់នាពេលកន្លងមក…

Details

ការដកស្រង់សេចក្តីអធិប្បាយ ក្នុងពិធីប្រគល់ប្រាក់រង្វាន់រាជរដ្ឋាភិបាលជូនជ័យលាភីមេដាយមាស ក្នុងការប្រកួតជាលក្ខណៈអន្តរជាតិ

សម្តេច ឯកឧត្តម លោកជំទាវ អស់លោក លោកស្រី អ្នកនាងកញ្ញា! ថ្ងៃនេះ ខ្ញុំពិតជាមានការរីករាយ ដែលបានជួបអ្នកទាំងអស់គ្នាសាជាថ្មីម្តងទៀត ហើយក៏សូមយក​ឱកាស​នេះ ក្នុងនាមរាជរដ្ឋាភិបាល ខ្ញុំសូមសំដែងការអបអរសាទរ ចំពោះជ័យលាភីទាំងអស់ គឺគ្រប់កម្រិតនៃ​ការ​ប្រកួត ដែលបាននាំមកនូវកិត្តិយសជាតិថ្ងៃនេះ ដែលខ្ញុំសូមស្នើអោយអង្គពិធីទាំងមូលទះដៃអបអរសាទរ។ កីឡាមិនមែនដើម្បីដូរប្រាក់ ត្រូវរក្សាតម្លៃ និងមានការយោគយល់គ្នាទៅវិញទៅមក កីឡារបស់យើងពិតជានាំមកនូវវឌ្ឍនភាព ហើយដែលអម្បាញ់មិញ ឯកឧត្តម ហង់ ជួនណារ៉ុន ក៏បានធ្វើ របាយការណ៍ជូនអង្គប្រជុំរួចហើយ សូម្បីតែឥណទានថវិកាដែលបានត្រៀមបម្រុង គឺមិនគ្រប់គ្រាន់ យើង​បានចាយលើសពី ៣ ពាន់លានរៀល ឡើងទៅដល់ជាង ១២ ពាន់លានរៀល ហើយក៏មិនទាន់គ្រប់ ជាមួយនឹងកីឡាករ/ការិនីថ្មីៗ ដែលទើបនឹងបានទទួល។ ក្នុងពេលដែលខ្ញុំអបអរសាទរ​ជាមួយនឹង​កីឡា​ករ/ការិនី ដែលជាជ័យលាភីនៅទីនេះ ខ្ញុំក៏សូមយកឱកាសនេះ និយាយទៅកាន់ក្មួយៗ ក៏ដូចជា អ្នក​គាំទ្រ​ទាំងឡាយ មេត្តាយោគយល់ អធ្យាស្រ័យ ហើយយើងតាំងខ្លួនជាអ្នកកីឡាស្អាតស្អំ កីឡាមិន​មែន​ដើម្បី​ដូរប្រាក់ ព្រោះរយៈពេលកន្លងទៅ ខ្ញុំក៏បានឃើញនូវការបង្ហោះតាមហ្វេសប៊ុកមួយចំនួន ដែល​នេះ​ជាការ​ទម្លាក់ខ្លួនរបស់ក្មួយៗ ឬក៏អ្នកគាំទ្រក្មួយៗទៅវិញទេ។ ទោះបីជាមេដាយថ្នាក់ណាក៏ដោយ បើសិនជាអង្គុយទាមទារនូវប្រាក់ប្រញាប់ប្រញាល់ហួស ច្បាស់ជានឹង ធ្វើអោយតម្លៃ…

Details