ការដកស្រង់សេចក្តីអធិប្បាយ ពិធីប្រកាសចូលកាន់តំណែងជាប្រធានរាជបណ្ឌិតសភាកម្ពុជា និងប្រកាសសមាសភាពក្រុមបណ្ឌិតសភាចារ្យ

ក្នុងវ័យ ២០ ឆ្នាំ រាជបណ្ឌិតសភា មានវឌ្ឍនភាពច្រើន ថ្ងៃនេះ ខ្ញុំពិតជាមានការរីករាយណាស់ ដែលបានមកចូលរួម ដើម្បីបំពាក់ជូនសម្រាប់បណ្ឌិតសភា​ចារ្យថ្មី​ចំនួន ៤ រូប គឺឯកឧត្តម អូន ព័ន្ធមុនីរ័ត្ន, ឯកឧត្តម ហង់ ជួនណារ៉ុន, ឯកឧត្តម ហ៊ីង ថូរ៉ាស៊ី ​និងឯកឧត្តម ចាន់ សំណព្វ ក្នុងឋានៈជាសមាជិកពេញសិទ្ធិ នៃបណ្ឌិតសភាចារ្យ ដែលមានគោរមងារជាបណ្ឌិតសភាចារ្យ។ ខ្ញុំក៏សូមយកឱកាសនេះ ដើម្បីថ្លែងជូននូវការអបអរសាទរជាមួយនឹងគោរមងារថ្មី ក៏ដូចជាការតែងតាំង​តួនាទី​ថ្មី​របស់ ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន ដែលជាប្រធាន និងអនុប្រធានពីររូបទៀត គឺឯកឧត្តម ហង់ ជួន​ណា​រ៉ុន ក៏ដូចជា ឯកឧត្តម សុខ ទូច។ ជាមួយគ្នានេះ ក៏សូមអបអរសាទរ ចំពោះការតែងតាំងជាអនុប្រធានរាជបណ្ឌិតសភារបស់បណ្ឌិតសភាចារ្យ ចាន់ សំណព្វ។ ចំណុចនេះ ខ្ញុំក៏គួរតែរំលឹកបន្ដិច​ និងក៏សូមអភ័យទោសពីសំណាក់លោកជំទាវបណ្ឌិតសភាចារ្យ ខ្លូត ធីតា អតីតប្រធាន ហើយដែលពេលនេះ ក៏ត្រូវបានមកធ្វើជាទីប្រឹក្សារបស់ខ្ញុំ។ ខ្ញុំសូមយកឱកាសនេះ…

Details

សម្តេចតេជោ ហ៊ុន សែន ទម្លាយរូបថត Selfies ជាមួយនាយករដ្ឋមន្ត្រីជប៉ុន តាំងពីជាង២ឆ្នាំមុន និងបញ្ជាក់ថា មិត្តភាពរបស់សម្តេច និងលោក អាបេ រួមគ្នាកសាងជាដៃគូយុទ្ធសាស្ត្ររវាងកម្ពុជា-ជប៉ុន

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី១១ ខែសីហា ឆ្នាំ២០១៧នេះ បានទម្លាយនូវរូបថតរបស់សម្តេច ថត Selfies ជាមួយនឹងនាយករដ្ឋមន្ត្រីជប៉ុន លោក ស៉ិន ហ្សូ អាបេ ដែលបានថតទុកតាំងពីជាង២ឆ្នាំមុន ពោលគឺកំឡុងខែមេសា ឆ្នាំ២០១៥ នៅទីក្រុងហ្សាកាតា ក្នុងឱកាសខួប៦០ឆ្នាំ នៃសន្និសីទប្រជាជនអាស៉ី អាហ្រិក។ ជាមួយគ្នានេះ សម្តេចតេជោ ហ៊ុន សែន បានបញ្ជាក់ទៀតថា មិត្តភាពរបស់សម្តេចតេជោ និងនាយករដ្ឋមន្ត្រីជប៉ុន លោក អាបេ បានរួមគ្នាកសាងឲ្យទៅជាដៃគូយុទ្ធសាស្ត្ររវាងកម្ពុជា-ជប៉ុន មានមួយផ្នែកចេញពីមិត្តភាព ការគោរពរាប់អានគ្នា ដោយមិនប្រកាន់ប្រទេសមាន ប្រទេសក្រ ប្រទេសធំ ប្រទេសតូចនោះទេ។ សម្តេចតេជោ ហ៊ុន សែន បានសរសេរក្នុង Facebook របស់សម្តេចដែលមានខ្លឹមសារទាំងស្រុងយ៉ាងដូច្នេះថា៖ «រូបថត Selfies រវាងខ្ញុំជាមួយនាយករដ្ឋមន្ត្រីជប៉ុន ស៊ីន ហ្សូ អាបេ មិនទាន់មានអ្នកណាបានឃើញនៅឡើយ ព្រោះវាស្ថិតក្នុងទូរស័ព្ទរបស់ខ្ញុំជាង២ឆ្នាំមកហើយ។ រូបថតនេះថតនៅយប់មួយនាខែមេសា…

Details

សម្ដេចក្រឡាហោម ស ខេង ណែនាំឲ្យអគ្គនាយកដ្ឋានអត្ដសញ្ញាណកម្ម សិក្សាអំពីនីតិវិធី ក្នុងការធ្វើលិខិតឆ្លងដែន​ឲ្យបានឆាប់ សម្រាប់កាត់បន្ថយការចេញទៅធ្វើការ ក្រៅប្រទេសដោយខុសច្បាប់

FN ៖ សម្ដេចក្រឡាហោម ស ខេង ឧបនាយករដ្ឋមន្ដ្រី និងជារដ្ឋមន្ដ្រីក្រសួងមហាផ្ទៃ បានណែនាំឲ្យអគ្គនាយកដ្ឋានអត្ដសញ្ញាណកម្ម ធ្វើការសិក្សាពីនីតិវិធី ក្នុងការពន្លឿនការផ្ដល់លិខិតឆ្លងដែន ជូនដល់ប្រជាពលរដ្ឋ និងពលករដែលធ្វើការនៅក្រៅប្រទេសឲ្យបានលឿន និងឆាប់រហ័សក្នុងគោលដៅជួយកាត់បន្ថយ ការចេញទៅធ្វើការនៅក្រៅប្រទេសដោយខុសច្បាប់ និងការជួញដូរមនុស្ស។ ថ្លែងក្នុងសិក្ខាសាលាស្ដីពីការផ្សព្វផ្សាយឯកសារគោល នៃផែនការសកម្មភាពជាតិ ប្រយុទ្ធប្រឆាំងអំពើជួញដូរមនុស្សសម្រាប់អនុវត្ដន៍ឆ្នាំ២០១៧-២០១៨ នាព្រឹកថ្ងៃទី០៩ ខែសីហា ឆ្នាំ២០១៧​ នៅទីស្ដីការក្រសួងមហាផ្ទៃ សម្ដេចក្រឡាហោម ស ខេង បានបញ្ជាក់ថា ការពន្លឿននីតិវិធីក្នុងការធ្វើលិខិតឆ្លង ដែនឲ្យបានលឿន និងឆាប់រហ័សនេះ ក្នុងគោលដៅចៀសវាង កាត់បន្ថយការចំណាយ ពេលវេលាថវិការបស់ប្រជាពលរដ្ឋ និងពលករដែលមកធ្វើលិខិតឆ្លងដែន។ សម្ដេច​ក្រឡាហោម បានបញ្ជាក់ថា ការធ្វើលិខិតឆ្លងដែននេះ ត្រូវកំណត់ឲ្យបាន​ច្បាស់លាស់ថា តើមានរយៈពេលប៉ុន្មានថ្ងៃ មាន២ថ្ងៃ ឬ៣ថ្ងៃយ៉ាងយូរ ដើម្បីកាត់បន្ថយ​ការធ្វើចំណាកស្រុក ដោយខុសច្បាប់ និងការជួញដូរមនុស្សផងដែរ។ សម្ដេច ស ខេង បានលើកឡើងថា កន្លងមកពលករកម្ពុជា ដែលបានចេញទៅ ធ្វើការនៅក្នុងប្រទេសថៃ ឬប្រទេសផ្សេងទៀតមួយចំនួន មិនមានលិខិតឆ្លងដែនទេ ដោយសារតែការធ្វើលិខិត​ឆ្លងដែន មានការពិបាក និងមានរយៈពេលយូររហូតដល់១ខែ…

Details

លោកស្រី ម៉ែន សំអន៖ ប្រជាជនទូទាំងប្រទេស កំពុងមានសិទ្ធិសេរីភាព និងការរស់នៅប្រកបដោយសុភមង្គល ក្រោមដំបូលសន្តិភាព

FN ៖ លោកស្រី ម៉ែន សំអន ឧបនាយករដ្ឋមន្ត្រី និងជារដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច នៅថ្ងៃទី១០ ខែសីហា ឆ្នាំ២០១៧នេះ បានថ្លែងថា ប្រជាជនទូទាំងប្រទេស កំពុងមានសិទ្ធិសេរីភាព និងការរស់នៅប្រកបដោយសុភមង្គល ក្រោមដំបូលសន្តិភាព និងស្ថេរភាពយ៉ាងពេញលេញ និងមានជីវភាពកាន់ តែធូរធារ។ ការថ្លែងបែបនេះក្នុងឱកាសដែលលោកស្រី ម៉ែន សំអន អញ្ជើញចូលរួមកិច្ចប្រជុំបូកសរុបការងារ វេទិកាថ្នាក់ជាតិ របស់ក្រុមការងារថ្នាក់ជាតិចុះមូលដ្ឋាន ដើម្បីត្រួតពិនិត្យ និងគាំទ្រការអនុវត្តកម្ម វិធីនយោបាយ និងយុទ្ធសាស្ត្រចតុកោណ របស់រាជរដ្ឋាភិបាល នៅខេត្តស្វាយរៀង នាព្រឹកថ្ងៃទី១០ ខែសីហា ឆ្នាំ២០១៧នេះ។ លោកស្រី ម៉ែន សំអន បានថ្លែងបន្តទៀតថា រាជរដ្ឋាភិបាលកម្ពុជាពីមួយអាណត្តិទៅមួយអាណត្តិ តែងតែយកចិត្តទុកដាក់ គិតគូរដល់សុខទុក្ខ របស់ប្រជាពលរដ្ឋទូទាំងប្រទេស ហើយក្នុងនាមលោកស្រី ជាសេនាធិការឲ្យរាជរដ្ឋាភិបាល ត្រូវយកចិត្តទុកដាក់ ទី១៖ ពង្រឹងសតិអារម្មណ៍ប្រជាពលរដ្ឋយើង តាមមូលដ្ឋានឲ្យមានភាពពជឿជាក់ និងកក់ក្តៅជាមួយ រាជរដ្ឋាភិបាលកម្ពុជា, ទី២៖ ជំរុញធ្វើឲ្យមន្ត្រីរាជការយើងយល់ដឹងកាន់តែច្បាស់ ពីស្ថានភាពជាក់ស្តែងខាងសេដ្ឋកិច្ច សន្តិសុខនៅមូលដ្ឋាន…

Details

ធនាគារអភិវឌ្ឍន៍ជនបទ ចុះផ្សព្វផ្សាយកញ្ចប់ឥណទានពិសេស របស់រាជរដ្ឋាភិបាល៥០លានដុល្លារ សម្រាប់ការជំរុញទិញស្រូវពីកសិករ ឲ្យមានស្ថេរភាពថ្លៃ

FN ៖ នៅគ្រាដែលរដូវប្រមូលផលស្រូវ រដូវវស្សាជិតឈានចូលមកដល់នោះ នៅថ្ងៃទី១០ ខែសីហា ឆ្នាំ២០១៧នេះ លោក កៅ ថាច អគ្គនាយកធនាគាអភិវឌ្ឍន៍ជនបទ បានបើកកិច្ចប្រជុំ ស្តីពីការផ្សព្វផ្សាយកញ្ចប់ឥណទានពិសេស របស់រាជរដ្ឋាភិបាលចំនួន៥០ លានដុល្លារ សម្រាប់ការជំរុញទិញស្រូវពីកសិករ សំដៅធ្វើឱ្យតម្លៃស្រូវក្នុងប្រទេសមានស្ថេរភាព និងជំរុញការនាំចេញទៅក្រៅប្រទេស។ កិច្ចប្រជុំដ៏មានសារសំខាន់នោះ មានការចូលរួមពីលោក ឡុង ថាក អភិបាលរងខេត្ត និងអស់លោកជាអភិបាលស្រុក មានស្រុកស្វាយអន្ទរ ក្រុងព្រៃវែង ស្រុកព្រះស្តេច ស្រុកកញ្ជ្រៀច ស្រុកពោធិរៀង ស្រុកកំពង់ត្របែក ស្រុកបាភ្នំ ស្រុកពារាំង និងស៊ីធរកណ្តាល និងមានការ ចូលរួមពីប្រធានមន្ទីពាណិជ្ជកម្ម មន្ទីអភិវឌ្ឍន៍ជនបទ មន្ទីហិរញ្ញវត្ថុ និងសេដ្ឋកិច្ច សភាពាណិជ្ជកម្ម និងភាគីរោងម៉ាស៊ីនផងដែរ។ ក្នុងជំនួបនៃកិច្ចប្រជុំនេះ ទន្ទឹមពេលឱកាសប្រមូលផលជិតមកដល់ របស់បងប្អូនប្រជាកសិករ លោក កៅ ថាច បានស្នើសុំឲ្យអាជ្ញាធរ មូលដ្ឋានពាក់ព័ន្ធទាំងអស់ ត្រូវតែចូលរួមយ៉ាសកម្ម ក្នុងការសម្របសម្រួលការទិញ លក់កសិផលរបស់កសិករនិងការដឹកជញ្ជូនកសិផល ទៅទីផ្សារ ដើម្បីធ្វើយ៉ាងណាជួយកាត់បន្ថយការលំបាក របស់បងប្អូនប្រជាកសិករយើង។ ម្យ៉ាងទៀត…

Details

លោក ហ៊ុន ម៉ានី៖ ការងារស័្មគ្រចិត្ដជាធនធានមួយដ៏សំខាន់ ក្នុងការបង្ហាញនូវគំរូល្អ នៃការចេះជួយគ្នាទៅវិញទៅមក និងអភិវឌ្ឍសង្គមជាតិ

FN ៖ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានថ្លែងថា ការងារស័្មគ្រចិត្ដ ជាធនធានមួយដ៏សំខាន់ ក្នុងការបង្ហាញនូវគំរូល្អ ដល់អ្នកជុំវិញខ្លួន ដោយមិនដឹងខ្លួនពិសេស​ពេលចេញទៅអនុវត្ដន៍ការងារនីមួយៗ ដើម្បីជួយកិច្ចការងារមនុស្សធម៌ ជួយជនងាយរងគ្រោះ ពិសេសប្អូនៗធ្វើចរាចរណ៍នៅតាមស្ដុបនីមួយៗ និងសកម្មភាពជាច្រើនផ្សេងទៀ។ លោកបានថ្លែងបែបនេះ ក្នុងឱកាសបំពាក់ឯកសណ្ឋានលើកទី២ ឆ្នាំ២០១៧​ ដល់សមាជិកថ្មី ក្លឹមយុវជនកាកបាទក្រហមកម្ពុជា ចំនួន២០៧នាក់ នៅសាកលវិទ្យាល័យ វិទ្យាសាស្ដ្រ សុខាភិបាល នាថ្ងៃទី១០ ខែសីហា ឆ្នាំ២០១៧នេះ ។ លោក ហ៊ុន ម៉ានី បានថ្លែងថា «ការងារស្ម័គ្រចិត្ដ ជាការងារមួយចេញពីបេះដូង ដោយមិនមែនធ្វើដើម្បីទទួលបានប្រាក់កម្រៃនោះទេ ហើយការងារស្ម័គ្រចិត្ដ ជាការងារមួយ បន្ថែមទៅលើការងារប្រចាំថ្ងៃរបស់យើង ដូច្នេះយើងត្រូវឆ្លៀតឱកាសឲ្យបាន ក្នុងកម្រិតណាមួយ តាមរយៈការងារស័្មគ្រចិត្ដ លះបង់ដើម្បីជួយដល់សង្គម ជួយជនងាយរងគ្រោះ មិនថាអ្នកណានោះទេ ព្រោះរស់នៅលើទឹកដីយើងតែមួយ។ ពិសេសការងារស័្មគ្រចិត្ដ នឹងបណ្ដុះបណ្ដាលឲ្យយើង ចេះដឹកនាំ ចេះរកគន្លឹះ ក្នុងការដោះស្រាយធ្វើអ្វីមួយដោយ ជួយសង្គមជាធំ»។ លោកបានថ្លែងទៅកាន់សមាជិកថ្មី ក្លឹមយុវជនកាកបាទក្រហមកម្ពុជាថា «ពេលប្អូនចេញទៅធ្វើសកម្មភាពកាកបាទក្រហមក្ដី…

Details

អាមេរិក ព្រមព្រៀងផ្តល់ជំនួយបច្ចេកទេសពង្រឹងសុវត្ថិភាពចំណីអាហារដល់កម្ពុជា ដើម្បីបើកផ្លូវនាំចូលផលិតផលកសិកម្មទៅអាមេរិក

FN ៖ សហរដ្ឋអាមេរិក បានព្រមព្រៀងផ្តល់ជំនួយបច្ចេកទេសពង្រឹងសុវត្ថិភាពចំណីអាហារ និង ការពារអ្នកប្រើប្រាស់ដល់ប្រទេសកម្ពុជា ដើម្បីបង្កើនទំនុកចិត្តលើផលិតផលចំណីអាហារ និងសម្រាប់បើកផ្លូវដល់ផលិតផលកសិកម្មរបស់កម្ពុជាទៅកាន់ទីផ្សាររបស់អាមេរិក។ ការព្រមព្រៀងនេះបានធ្វើឡើងក្នុងកិច្ចពិភាក្សាមួយរវាងលោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មកម្ពុជា ជាមួយលោកស្រី Bar bara Weisel ឧបការីតំណាងពាណិជ្ជកម្មសហរដ្ឋអាមេរិក នៅទីក្រុងវ៉ាស៊ីនតោន សហរដ្ឋអាមេរិក។ នៅក្នុងសប្តាហ៍នេះ ដើម្បីពង្រីកពាណិជ្ជកម្មរវាងកម្ពុជា និងអាមេរិកនោះ លោក ប៉ាន សូរស័ក្តិ បានដឹកនាំមន្រ្តីកម្ពុជាមកពីក្រសួងស្ថាប័នផ្សេងគ្នាចំនួន៨ ទៅបំពេញទស្សនកិច្ចនៅសហរដ្ឋអាមេរិក។ ក្នុងកិច្ចពិភាក្សានោះ លោក ប៉ាន សូរស័ក្ដិ និងលោកស្រី Barbara WEISEL បានពិភាក្សាលើចំណុចមួយចំនួនដូចជា គោលនយោ បាយពាណិជ្ជកម្មកម្ពុជា-សហរដ្ឋអាមេរិក ឆ្នាំ២០១៧ អនាម័យ និងភូតគាមអនាម័យ កម្មសិទ្ធិបញ្ញា សេវាកម្មទូទាត់តាមប្រព័ន្ធអេឡិចត្រូនិក ការងារនិងពលកម្ម កិច្ចព្រមព្រៀងបច្ចេកវិទ្យាព័ត៌មាន និងកិច្ចសម្រួលពាណិជ្ជកម្ម ក្រោមអង្គការពាណិជ្ជកម្មពិភពលោក ប្រព័ន្ធអនុ គ្រោះពន្ធទូទៅ និងជំនួយបច្ចេកទេស។ តាមរយៈកិច្ចពិភាក្សាគណៈប្រតិភូកម្ពុជា និងសហរដ្ឋអាមេរិក បានពិនិត្យឡើងវិញនូវកិច្ចខិតខំប្រឹងប្រែងនាពេលបច្ចុប្បន្នរបស់ប្រទេសកម្ពុជា ដើម្បីធ្វើឲ្យប្រសើរឡើងកិច្ចសម្រួលពាណិជ្ជកម្ម ការងារនិងពលកម្ម ការការពារកម្មសិទ្ធិបញ្ញា…

Details

មន្រ្ដីជាន់ខ្ពស់ក្រសួងអប់រំ៖ ក្រសួងបាននិងកំពុងជំរុញការសិក្សាតាមប្រព័ន្ធ Online និងបញ្ជូនឯកសារ មេរៀន លំហាត់ ទៅដល់សិស្សានុសិស្ស

FN ៖ រដ្ឋលេខាធិការក្រសួងអប់រំ យុវជន និងកីឡា លោក អ៊ឹម កុច បានថ្លែងនៅថ្ងៃទី១០ ខែសីហា ឆ្នាំ២០១៧នេះ ក្រសួងអប់រំបាន និងកំពុងជំរុញឲ្យមានការសិក្សាតាមប្រព័ន្ធ Online ដល់សិស្សានុសិស្ស ដើម្បីផ្ដល់ភាពងាយស្រួលក្នុងការសិក្សា និងចំណេញពេលវេលា។ ការលើកឡើងបែបនេះ របស់លោករដ្ឋលេខាធិកា ធ្វើឡើងក្នុងឱកាសដែលោកបានអញ្ជើញចូលរួម ក្នុងកម្មវិធីរំលឹកខួបមួយឆ្នាំនៃ ការអនុវត្តគម្រោង Microsoft Student Partners នាថ្ងៃទី១០ ខែសីហា ឆ្នាំ២០១៧។ លោក អ៊ឹម កុច បានថ្លែងឲ្យដឹងថា «ទិសដៅរបស់ក្រសួង គឺជំរុញឲ្យមានការសិក្សាតាមប្រព័ន្ធ Online ដោយក្រសួងបាន​ប្រើ​ប្រាស់ Facebook Website របស់ក្រសួង ដើម្បីបញ្ចូនឯកសារ លំហាត់ នានាទៅដល់សិស្ស»។ កម្មវិធី Microsoft Student Partners នេះរៀបចំឡើងដោយភាពដៃគូជាមួយក្រសួងអប់រំ និងអង្គការស្ទែមកម្ពុជា ដើម្បីអបអរសាទរកម្មវិធីនិស្សិតដៃគូក្រុមហ៊ុន Microsoft ជំរុញលើកទឹកចិត្តឲ្យអនុវត្តគម្រោងនេះ កាន់តែ​បានល្អបន្ដទៀត និងចូលរួមចែករំលែកបទពិសោធន៍ពីសំណាក់ក្រុម និងស្សិតដៃគូក្រុមហ៊ុន Microsoft។…

Details

នាយឧត្តមសេនីយ៍ កែ គឹមយ៉ាន អំពាវនាវឲ្យពលរដ្ឋ ដែលមានកូនចៅញៀនថ្នាំ នាំទៅព្យាបាលនៅមណ្ឌលសុខភាព និងមន្ទីរពេទ្យបង្អែក ខណ:មជ្ឈមណ្ឌលព្យាបាលថ្នាក់ជាតិ តម្លៃជាង៦លានដុល្លារកំពុងសាងសង់

FN ៖ ថ្ងៃទី១០​ ខែសីហា​ ឆ្នាំ២០១៧​​ នាយឧត្តមសេនីយ៍​ កែ​ គឹមយ៉ាន​ ឧបនាយករដ្ឋមន្រ្តី​ ប្រធានអាជ្ញាធរជាតិប្រយុទ្ធប្រឆាំងគ្រឿងញៀន​ អញ្ជើញចូលរួមជាអធិបតីបើកការដ្ឋានសាងសង់មជ្ឈមណ្ឌលផ្តល់សេវាព្យាបាល​ដោយស្ម័គ្រចិត្ត​ និងផ្អែកសហគមន៍​ នៅភូមិឬទ្ធី​២​ ឃុំកែវផុស​ ស្រុកស្ទឹងហាវ​ ខេត្តព្រះសីហនុ​ ដោយមានការចូលរួមពីឯកឧត្តម​រដ្ឋមន្រ្តី​វង សូត​ លោក កៅ​ ខុនដារ៉ា​ លោក លោកស្រី ជារដ្ឋលេខាធិការ​ អនុរដ្ឋលេខាធិការ​ អគ្គនាយក​ អភិបាល​ អភិបាលរង​ កងកំលាំងទាំងបី​ មន្រ្តីរាជការ​ លោកគ្រូអ្នកគ្រូ​ សិស្សនុសិស្ស​ ព្រះសង្ឃ​ និងបងប្អូនកម្មករចំការដូងប្រេង​ និងប្រជាពលរដ្ឋសរុប​ ជាង៦៣០នាក់​ ។ លោក​ យន្ត​ មីន​ ថ្លែងក្នុងនាម​ប្រធានគណ:កម្មាធិការត្រួតពិនិត្យគ្រឿងញៀនខេត្តព្រះសីហនុដែលជាម្ចាស់ផ្ទះ​ ស្វាគមន៍​ ថ្លែងអំណរគុណ​ និងសារសំខាន់នៃមជ្ឈមណ្ឌលថាពិតជាអាចកាត់បន្ថយបាននៅទុក្ខលំបាកដល់គ្រួសារដែលមានកូនចៅធ្លាក់ចូលក្នុងអន្ទាក់នៃគ្រឿងញៀន​ ។ ក្នុងឱកាសនោះដែរលោក​ កៅ ខុនដារ៉ា​ បានថ្លែងក្នុងនាមប្រធានគណកម្មការកសាងមជ្ឈមណ្ឌលសម្រាប់ព្យាបាល និងស្តារនីតិសម្បទាអ្នកញៀន​គ្រឿង​ញៀន ​គ្រោងនឹង​សាងសង់ឡើងដោយទទួលថវិកាពីរាជរដ្ឋាភិបាលកម្ពុជាតាមរយៈមូល​និធិ​ជាតិ​សម្រាប់​ការ​ប្រយុទ្ធប្រឆាំងគ្រឿងញៀន​ ការចូលរួមវិទានដ៏ថ្លៃថ្លាពីសប្បុរសជននិងវិស័យ​ឯកជន​​​តាម​រយៈ​មូលនិធិសម្រាប់សង្គ្រោះនិងស្តារនីតិសម្បទាគ្រឿងញៀន ​​ការ​ឧបត្ថម្ភគាំទ្រ​ពី​រាជរដ្ឋាភិ​​​បាល​ ​​នៃ​សារធារណរដ្ឋសង្គម​និយម​វៀតណាម និង​រដ្ឋាភិបាលបណ្តាប្រទេស​ជាមិត្ត​ផ្សេង​ទៀត។…

Details

ឧបនាយករដ្ឋមន្រ្តី ហោ ណាំហុង៖ បច្ចុប្បន្ននេះ រោងចក្រហុងកុងចំនួន៨៨ កំពុងដំណើរការនៅកម្ពុជា ដោយផ្តល់ការងារដល់ ពលរដ្ឋខ្មែរ ជាង៣ម៉ឺននាក់

FN ៖ លោកឧបនាយករដ្ឋមន្ត្រី ហោ ណាំហុង បានបញ្ជាក់ថា បច្ចុប្បន្ននេះ មានរោងចក្រផលិតស្បែកជើង និងកាត់ដេរ ប្រហែល៨៨ ដែលគ្រប់គ្រងដោយក្រុមហ៊ុនហុងកុង កំពុងដំណើរការនៅក្នុងប្រទេសកម្ពុជា និងមានកម្មករប្រមាណជា ៣៥០០០ នាក់។ លោកឧបនាយករដ្ឋមន្ត្រី ហោ ណាំហុង ថ្លែងបែបនេះ ក្នុងឱកាសចូលរួមជាអធិបតីភាពក្នុងពិធីអបអរសាទរខួបទី២០ នៃតំបន់រដ្ឋបាលពិសេស ហុងកុង នៅយប់ថ្ងៃ ទី១០ ខែសីហា ឆ្នាំ២០១៧។ លោក ហោ ណាំហុង បានឲ្យដឹងថា ហុងកុង គឺជាដៃគូពាណិជ្ជកម្មធំបំផុតលំដាប់ទី៦ និងជាប្រទេសនាំចូលធំបំផុតលំដាប់ទី៥ របស់កម្ពុជា ដោយកាលពីឆ្នាំ២០១៦ ពាណិជ្ជកម្មទ្វេភាគីសម្រេចបាន៧៣១លានដុល្លារអាមេរិក ។ លោក ហោ ណាំហុង បានថ្លែងថា «បច្ចុប្បន្នមានរោងចក្រផលិតស្បែកជើង និងកាត់ដេរប្រហែល៨៨ ដែលគ្រប់គ្រងដោយហុងកុង កំពុងដំណើរការនៅក្នុងប្រទេសកម្ពុជា មានកម្មករប្រមាណជា ៣៥០០០នាក់ ជាងនេះទៅទៀត កម្ពុជាអាចនឹងទទួលបានផលប្រយោជន៍ កាន់តែច្រើនទៀត ពីទំនាក់ទំនងពាណិជ្ជកម្ម និងវិនិយោគជាមួយហុងកុង ដែលជាមជ្ឈមណ្ឌលសំចតឆ្លងកាត់ ជាមួយអឺរ៉ុប និងសហរដ្ឋអាមេរិក…

Details