សេចក្តីថ្លែងការណ៍ CPP៖ គោលនយោបាយ «ដូរមេឃុំបម្រើបក្ស​ ដាក់មេឃុំបម្រើរាស្រ្ត» របស់ CNRP ជាការប្រមាថ និងមើលងាយធ្ងន់ធ្ងរដល់មន្រ្តីឃុំ សង្កាត់

FN គណបក្សប្រជាជនកម្ពុជា (CPP) នៅយប់ថ្ងៃទី០៦ ខែមីនា ឆ្នាំ២០១៧នេះ បានចេញសេចក្តីថ្លែងការណ៍មួយដោយបានហៅ គោលនយោបាយរបស់គណបក្សសង្រ្គោះជាតិ (CNRP)«ដូរមេឃុំបម្រើបក្ស ដាក់មេឃុំបម្រើរាស្រ្ត» គឺជាការប្រមាថមើលងាយយ៉ាងធ្ងន់ធ្ងរដល់មន្រ្តីឃុំសង្កាត់នៅទាំងប្រទេស ដែលបានខិតខំបម្រើប្រជាជនស្របតាមតួនាទី ដោយមិនមានការរើសអើងនិន្នាការនយោបាយ។

តាមរយៈសេចក្តីថ្លែងការណ៍ ដែល Fresh News ទើបទទួលបាននៅមុននេះបន្តិចបានឲ្យដឹងថា គណបក្សប្រជាជនកម្ពុជា បានទាមទារឲ្យថ្នាក់ដឹកនាំគណបក្សសង្រ្គោះជាតិ កែតម្រូវជាបន្ទាន់ចំពោះខ្លឹមសារខាងលើ ដើម្បីរក្សាបរិយាកាសល្អ និងសុខសន្តិភាពរបស់ប្រទេសជាតិ។ ក្នុងករណីដែលពុំមានការកែតម្រូវទេនោះ គណបក្សប្រជាជនកម្ពុជារក្សាសិទ្ធិ ដើម្បីប្តឹងទៅតុលាការស្របតាមច្បាប់ជាធរមាន។

សូមបញ្ជាក់ថា នៅក្នុងសមាជកាលពីថ្ងៃទី០២ ខែមីនា ឆ្នាំ២០១៧កន្លងទៅនោះ គណបក្សសង្រ្គោះជាតិ បានដាក់ចេញនូវគោលនយោបាយអាទិភាពចំនួន ៥ចំណុច ដែលក្នុងនោះ ក៏មានគោលនយោបាយ «ដូរមេឃុំបម្រើបក្ស ដាក់មេឃុំបម្រើរាស្រ្ត»ផងដែរ៕

ប្រសាសន៍សំខាន់ៗរបស់​សម្តេច​តេជោ ហ៊ុន សែន អញ្ជើញ​ចែកសញ្ញាបត្រ​ដល់និស្សិត​វិទ្យាស្ថាន​វ៉ាន់ដា ៣,១៥០នាក់​

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅរសៀលថ្ងៃចន្ទ ទី០៦ ខែមីនា ឆ្នាំ២០១៧នេះ បានអញ្ជើញជាអធិបតីប្រគល់ សញ្ញាបត្រដល់និស្សិតវិទ្យាស្ថានវ៉ាន់ដាចំនួន ៣,១៥០នាក់ នៅសាលមហោស្រពកោះពេជ្រ។ និស្សិត ដែលនឹងត្រូវទទួលសញ្ញាបត្រនេះរួមមាន កម្រិតបរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ (អនុបណ្ឌិត)។ វិទ្យាស្ថានវ៉ាន់ដា គឺជាវិទ្យាស្ថានឈានមុខ និងមានកេរ្តិ៍ឈ្មោះល្បីមួយនៅកម្ពុជាលើការបណ្តុះបណ្តាលជំនាញគណនេយ្យដល់និស្សិតកម្ពុជា។ ខាងក្រោមនេះជាសារសំខាន់ៗរបស់សម្តេចតេជោ ហ៊ុន សែន៖ * សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានលើកឡើងថា ការប្រគល់សញ្ញាបត្រអាចនឹងលើកមករៀបចំនៅពេលរសៀលជំនួសវិញ ដោយសារតែសម្តេចមានកម្មវិធីច្រើន ត្រូវធ្វើ។ សម្តេចនាយករដ្ឋមន្រ្តីថា ការចែកសញ្ញាបត្រពេលព្រឹក និងពេលល្ងាចនាពេលបច្ចុប្បន្នមិនខុសគ្នានោះទេ ព្រោះធ្វើឡើងនៅក្នុងអគារ ក្រោមម៉ាស៊ីនត្រជាក់ដូចគ្នា ដែលមិនដូចពីអតីតកាលការធ្វើចែកសញ្ញាបត្រធ្វើនៅតាមវាល ដោយសង់រោងនោះឡើយ។ * សម្តេចតេជោ ហ៊ុន សែន ក្រៅពីការអបអរសាទរ និងរីករាយជាមួយនិស្សិតជយលាភីប្រមាណ៣១៥០ហើយនោះ សម្តេចក៏បានបង្ហាញការអបអរសាទរផងដែរ ចំពោះវឌ្ឍនភាពរបស់វិទ្យាស្ថានវ៉ាន់ដា លើការអប់រំនេះ។ * សម្តេចតេជោ ហ៊ុន សែន…

Details

សេចក្តីដកស្រង់សង្កថា ពិធីបើកការដ្ឋានផ្លូវខ្សែក្រវ៉ាត់ក្រុង កំណាត់ទី ២ (ពីទឹកថ្លាដល់ព្រែកហូរ) និងសម្ពោធផ្លូវក្រវ៉ាត់ក្រុងកំណាត់ទី ១ មិត្តភាពភ្នំពេញ/ហាណូយ

រីករាយដែលបានមកចូលរួមក្នុងកម្មវិធី ២ ថ្ងៃនេះ ខ្ញុំពិតជាមានការរីករាយដែលបានមកចូលរួមក្នុងកម្មវិធី ២ កម្មវិធីទី ១ គឺសម្ពោធដាក់អោយប្រើប្រាស់​ផ្លូវការនូវផ្លូវមិត្តភាពភ្នំពេញ-ហាណូយ ដំណាក់កាលទី ១ ដែលតភ្ជាប់ពីទំនប់កប់ស្រូវដល់មហាវិថីសហព័ន្ធ​រុស្ស៊ី និងទី ២ បើកការដ្ឋានសាងសង់ផ្លូវខ្សែក្រវ៉ាត់ទីក្រុង កំណាត់ផ្លូវទី ២, ១៦ គឺឡូម៉ែត្រ ហិរញ្ញប្បទាន​ដោយ​សាធារណរដ្ឋប្រជាមានិតចិន។ ថ្ងៃនេះ ខ្ញុំក៏សូមជម្រាបជូនបងប្អូន​ប្រជា​ពល​រដ្ឋ​​ដែលនៅទីនេះ អោយបាន​ជ្រាប​ថា តាមគម្រោងមហាវិថីដែលយើងកំពុងតែស្ថិតនៅទីនេះ នឹងដាក់អោយប្រើ​ប្រាស់ជាផ្លូវការ នៅថ្ងៃទី ៣ ខែ មេ​សា ប៉ុន្មានថ្ងៃខាងមុខនេះ មិនដល់មួយខែទេ បានសេចក្តីថា យើងដាក់អោយ​ដំណើរ​ការមុនចូលឆ្នំាខ្មែរ​របស់​យើង ហើយកាត់បន្ថយការកកស្ទះ ក្នុងផ្លូវជាតិលេខ ២ ដែល​​យើង​ធ្លាប់ប្រើសព្វថ្ងៃនេះ។ ចំណងសាមគ្គីភាពរវាងកម្ពុជា ចិន និងវៀតណាម នៃការកសាងផ្លូវខ្សែក្រវ៉ាត់ក្រុង ថ្ងៃនេះ ក៏ជានិមិត្តរូប នៃចំណងសាមគ្គីភាពរវាងកម្ពុជា ចិន និងវៀតណាម ដែលបានមក​ធ្វើពិធីរួមគ្នា ជាមួយ​នឹង​ការដ្ឋានសំណង់ នៃផ្លូវខ្សែក្រវ៉ាត់ខាងក្រៅក្រុងផងដែរ។ មុននេះ កំណាត់ផ្លូវបានជួបការលំបាក​យ៉ាង​ខ្លំាង​ទាក់​ទង​ទៅនឹងទំនប់កប់ស្រូវមកដល់ផ្លូវសហព័ន្ធរុស្ស៊ី។ ពេលនោះយើងបានស្វះស្វែងរកថវិកាផ្ទាល់​របស់យើង​ផង និង​បានស្វះស្វែងរកថវិកាជំនួយឧបត្ភមពីមិត្តវៀតណាមផងដែរ ដែលទីក្រុងភ្នំពេញមានសម្ព័ន្ធ​មេត្រីភាព​ជា​មួយ​នឹងទីក្រុងហាណូយ។ យើងបានធ្វើផ្លូវនេះរួចរាល់ ហើយដាក់អោយដំណើរការនៅថ្ងៃនេះជាមួយគ្នា។…

Details