បញ្ចុះតម្លៃការប្រឡងចេញថ្នាក់ជាតិសម្រាប់វិស័យសុខាភិបាល

ថ្ងៃទី ២២ មករា ២០១៦ តាមរយៈហ្វេសប៊ុក សម្តេចតេជោបានសម្រេចបញ្ចុះតម្លៃការ(ចុះឈ្មោះ)​ប្រ​ឡង​ចេញថ្នាក់ជាតិសម្រាប់វិស័យសុខាភិបាល ពី ៥០០ ពាន់រៀល មកត្រឹម ១០០ ពាន់រៀល។ សម្តេច​តេ​ជោ បញ្ជាក់ថា សំណើរបស់យុវសិស្ស Darapiseth Sokha មកសម្តេច​តេជោ​តាម Facebook សុំបញ្ចុះ​តម្លៃសម្រាប់ការប្រឡងចេញថ្នាក់ជាតិនៃវិស័យសុខាភិបាល ដែលត្រូវបង់​ថវិកា ៥០០,០០០ រៀល បាន​ធ្វើ​អោយសម្តេច យល់កាន់តែច្បាស់អំពីស្ថានភាពសិក្សា និងស្ថានភាពរស់នៅរបស់និស្សិតយើង ដែលចាំ​បាច់​ត្រូវតែដោះស្រាយជាបន្ទាន់។ សម្តេចតេជោ លើកឡើងថា ក្រោយពីបានពិភាក្សាជាមួយរដ្ឋមន្រ្តីក្រសួងសុខាភិបាល “នៅថ្ងៃនេះ ខ្ញុំបាន​សម្រេចបញ្ចុះតម្លៃជូននិស្សិត នៅត្រឹម ១០០,០០០ រៀល។ ខ្ញុំសង្ឃឹមថានិស្សិតចំនួន ១៤៣៣ នាក់ នឹង​បាន​ធូរស្រាលមួយកម្រិតធំ ហើយនិងបាននៅសល់ថវិកាមួយចំនួន​សម្រាប់យកទៅដោះស្រាយលើជីវ​ភាព​រស់នៅ អោយបានប្រសើរឡើង។ សម្តេចបញ្ជាក់ថា ការសម្រេចនេះជាការឆ្លើយតបជាបឋម​ទៅកាន់​ក្មួយៗ និស្សិត ហើយទីស្តីការគណរដ្ឋមន្ត្រីនឹងចេញសេចក្តីជូនដំណឹង ដើម្បីស្ថាប័នមានសមត្ថកិច្ចយក​ទៅ​​អនុវត្ត។ សម្តេចតេជោ បានសំដែងនូវការកោតសរសើរជូន ឯកឧត្តមរដ្ឋមន្ត្រី ម៉ម ប៊ុនហេង ដែលបានយកចិត្ត​ទុក​ដាក់​ដោះស្រាយសំណូមពររបស់ក្មួយៗ ​និស្សិត ដោយបានចូលពិនិត្យមើលការលើកនូវមតិនានា ក្នុង…

Details

សម្តេចតេជោ បើកកម្មវិធីឆ្លើយឆ្លងជាមួយយុវជន តាមហ្វេសប៊ុក

ថ្ងៃ ២២ មករា ឆ្នាំ ២០១៦, រួមជាមួយការថ្លែងអំណរគុណ ចំពោះយុវជនដែលតែងតែគាំទ្រ តាមដាន និងចែករំលែកព័ត៌មានពីគេហទំព័ររបស់ សម្តេចតេជោ ទៅកាន់មិត្ត​ភក្តិ ទាំងក្នុង និងក្រៅប្រទេស ពិសេស នៅក្នុងកំឡុងពេលពិនិត្យសុខភាពនៅសឹង្ហបូរី តាមការណែនាំរបស់គ្រូពេទ្យជំនាញកម្ពុជា សម្តេចតេជោ ហ៊ុន សែន បញ្ជាក់ថា “ហ្វេសប៊ុករបស់ខ្ញុំ ជាហ្វេសប៊ុកសន្តិភាព លើកតម្កើងសិទ្ធិសេរីភាព និងសកម្មភាព​ចូលរួមកសាងសង្គមដោយអហឹង្សា។ ខ្ញុំយល់ថាការចូលរួមពីមហាជន ជាពិសេសពីស្រទាប់យុវជន នឹង​ជួយ​ជំរុញការកសាងសង្គមជាតិកាន់តែមានសន្ទុះលឿនទៅមុខ”។ សម្តេចអះអាងថា “ដើម្បីបង្កបរិយា​កាស​កាន់តែ​រីករាយស្និទ្ធស្នាលជាមួយជនរួមជាតិ និងយុវជន សិស្ស និស្សិតនៅទូទាំង​ប្រ​ទេស ខ្ញុំនឹង​បើក​វេទិកាឆ្លើយឆ្លងជាមួយយុវជន និងជនរួមជាតិនៅក្នុង Facebook របស់​ខ្ញុំផ្ទាល់​ លើប្រ​ធានបទដែល​មាន​សារៈសំខាន់នានា”។ សម្តេចតេជោ បានអញ្ជើញយុវជនអោយផ្ញើអត្ថបទ ឃ្លីបសម្លេង ឃ្លីបវីដេអូ រូបថត រូប​គំនូរតាមមូលបទកសាងសង្គមជាតិ ដូចជា ការគោរពច្បាប់ចរាចរណ៍ អំពើល្អចំពោះ​មនុស្សចាស់ជរា និងជនពិការ អំពើល្អចំពោះកុមារ និងស្រ្តីទន់ខ្សោយ ការជួយគ្នានៅពេលមានគ្រោះ​ថ្នាក់​ចរាចរណ៍ ការ​ចូល​រួមរើសសំរាមសំអាតទីក្រុង និងតាមទីធ្លាសាធារណៈ ការទប់ស្កាត់ និងលុបបំបាត់​គ្រឿង​ញៀន និង​ការឈប់ជក់បារីជាដើម។ល។…

Details

សារសម្តេចតេជោ ផ្ញើជូនអ្នកគាំទ្រ តាមដាន និងចែករំលែកព័ត៌មានហ្វេសប៊ុក

ខ្ញុំសូមអរគុណជនរួមជាតិ ជាពិសេសប្អូនៗ ក្មួយៗ និងចៅៗ ជាយុវជនដែលតែងតែគាំទ្រ តាមដាន និង ចែករំលែកព័ត៌មានពីគេហទំព័រខ្ញុំ (like, share, comment) ទៅកាន់មិត្តភក្តិ ទាំងក្នុងនិងក្រៅប្រទេស​។ ជាពិសេស នៅក្នុងកំឡុងពេលដែលខ្ញុំទៅពិនិត្យសុខភាពនៅសឹង្ហបូរី តាមការណែនាំរបស់គ្រូពេទ្យ ជំនាញកម្ពុជា។ ហ្វេសប៊ុក (Facebook) ខ្ញុំ ជាហ្វេសប៊ុកសន្តិភាព ដែលលើកតម្កើងសិទ្ធិសេរីភាព និង សកម្មភាពចូលរួមកសាងសង្គមដោយអហឹង្សា។ ខ្ញុំយល់ថាការចូលរួមពីមហាជន ជាពិសេសពីស្រទាប់ យុវជន នឹងជួយជំរុញអោយការកសាងសង្គមជាតិយើងកាន់តែមានសន្ទុះលឿនទៅមុខ។ ដើម្បីបង្កបរិយាកាសកាន់តែរីករាយស្និទ្ធស្នាលជាមួយជនរួមជាតិ និងយុវជន សិស្ស និស្សិតនៅទូទាំង​ប្រ​ទេស ខ្ញុំនឹងបើកវេទិកាឆ្លើយឆ្លងជាមួយយុវជន និងជនរួមជាតិនៅក្នុង Facebook (របស់)​ខ្ញុំផ្ទាល់​ លើប្រ​ធានបទដែលមានសារៈសំខាន់ ក្នុងការកសាងសង្គមជាតិដូចជា ការគោរពច្បាប់ចរាចរណ៍ អំពើល្អចំពោះ​មនុស្សចាស់ជរា និងជនពិការ អំពើល្អចំពោះកុមារ និងស្រ្តីទន់ខ្សោយ ការជួយគ្នានៅពេលមានគ្រោះ​ថ្នាក់​ចរាចរណ៍ ការចូលរួមរើសសំរាមសំអាតទីក្រុង និងតាមទីធ្លាសាធារណៈ ការទប់ស្កាត់ និងលុបបំបាត់​គ្រឿង​ញៀន និងការឈប់ជក់បារីជាដើម។ល។ យុវជនអាចផ្ញើជាអត្ថបទ ឃ្លីបសម្លេង ឃ្លីបវីដេអូ រូបថត រូបគំនូរដើម្បីចូលរួម។ យុវជនដែលទទួលបានការគាំទ្រច្រើនជាងគេពីមហាជន…

Details